Stefán Sturla Sigurjónsson

Lykklar og næs

2011-09-01T12:49:00.003+03:00

Fékk lykklana að lókalinu fyrir búðina "Eyjafjallajökul" afhenda á afmælisdeginum hennar Söndru minnar. VIP opnunin verður þann 15. október. Svo allt á fullt þann 17.

Þá verður nú fjör...

2011-08-29T22:02:00.002+03:00

Vinn hörðum höndum að því að opna "Eyjafjallajökul" um miðjan okt. Nú er bara að fara að mála, skruppa, skúra, smíða og það allt... svo smíða innréttingar. Þá að panta vörurnar og raða í hillur... Svo rosa opnunarpartí með fullt af fólki og góðum VIP gestum sem fá opnunar afslátt og tæma búðina... Þá verður nú fjör... hehehehe

2011-08-27T13:44:00.002+03:00

Þann 9. október árið 2003 frumsýndi Svenska Teatern í Helsinki, Hellisbúan með Sixten Lundberg. Leikstjóri sýningarinnar var hafnfirðingurinn Gunnar Helgason. Það eru sem sagt átt ár síðan og en gengur Hellisbúinn fyrir fullu húsi og er að hefja sitt níunda leikár. Engin sýning hefur áður verið sýnd oftar en 300 sinnum í leikhúsinu og dregið að sér yfir 45000 gesti.
Sixten og Gunni hjartanlega til hamingju.

Mmmmm næs!

2011-08-12T21:22:00.003+03:00

Í gær var dagur menningarinnar hér í Vasa. Menninganótt kalla þeir fyrirbærið á Íslandi. Þar eyða þeir miklum peningum í flugelda"sýningu"... sem allir bíða eftir :( Og bærinn iðar allur af uppákomum og eftirvæntingu... hvernig verður flugeldasýningin í ár?
Hér í Vasa upplifði maður menninguna í ró og góðu veðri. Gengum á milli safna, hlustuðum á skemmtilega tónlist, kíktum í leikhús til að sjá hvað þar verður í boði í haust. Síðan skolar ég þessu öllu saman niðu með vænum slurk af bjór á góðum pöb. Kvöldinu lauk svo með sýningu himnaguðanna, þar sem himnafestingin logði öllu í rauðgullinni ljósadýrð, við sólsetrið. Mmmmm næs!

Tíminn flýgur :)

2011-08-08T10:46:00.003+03:00

Alltof langt síðan ég setti innlegg á þennan reikning :)
Allt gott að frétta. Fórum til Íslands í lok júni. Það gekk eins og maður gerði ráð fyrir... Þurftum að byrja á því að bíða í tvo daga í Helsinki vegna yfirvinnubanns flugmanna Icelandair. Þannig að ég fór beint norður í Skagafjörð á landsmót hestamanna. Stoppaði þar í tvo daga og svo suður í Borgarfjörð á ættarmót. Þaðan beint austur á Höfn til Söndru, þar var loksins slappað af í tvodaga á indislegu heimili stóru stelpunnar minnar. Við forldrarnir vorum svo send heim á föstudagskvöldi. Hafði orð á því við Petru þegar við keyrðum yfir Múlakvísl um klukkan 21 að það væri mikið í henni. En að mér grunaði að brúin færi nokkrum tímum seinna... nei. Þannig að börnin okkar sem ætlðu að koma daginn eftir voru föst á Höfn til mánudags, en þá komu þau með flugi. Þau nutu hinsvega þess að vera öll saman fjögur EIN í fyrsta skipti.
Heimsóknir urðu miklu færri (eins og venjulega) en við vorum búin að áætla. Vona að allir okkar góðu vinir fyrirgefi okkur það :)
Sumarið búið að vera langt og heitt... sem er æðislegt eftir alltof langan og kaldan vetur.
Er núna að undirbúa að opna litla huggulega búð sem verður með íslenska vörur á boðstólnum. Ætla að vera með talsvert vöruúrval til að byrja með og sjá hvað er að seljast. Kaupi sem minnst inn, legg upp með umboðssölu. Hver vill vera með?

Ertu að leita að vinnu?

2011-03-14T22:48:00.004+02:00

Að vera í Noregi og þjálfa bestu kynbótahesta Noregs eru forréttindi. Skrítið að það skuli ekki vera biðlisti hjá Kringeland af þeim sem vilja aðeins vinna við að þjálfa og temja það besta. Hér hjá Kringeland, rétt við sænskulandamærin fyrir austan Osló, vantar góðan tamningamann og þjálfara næsta haust. Kemur vel til greina að ráða par. Góð aðstaða, frábær hross og vinnuveitandi eins og maður vill hafa hann, lipur og skemmtilegur. Stutt til allra höfuðborga í skandinavíu og frábær skíðalönd í næsta nágrenni. Ef þú veist um einhvern, láttu hann/þau/hana þá endilega hafa samband við mig eða hringja í Inge Kringeland +47 97560001

Tjaldbúar

2011-03-02T23:15:00.003+02:00

Úlalala... alveg ógeslea gaman a koma heim.

Við erum búin að vera meira og minna á skíðum síðan. Fyrst hér í Vasa svo sl. tvo daga í Seinajoki. Alveg frábært. Krakkarnir sofa í tjaldi þessa dagana... ekki úti í snjónum... nei... í stofunni. Ég kom með tjald frá Noregi sem ég gaf Adam. Hann tjaldaði í stofunni og þau A&A sofa í tjaldinu. Smá æfing fyrir sumarið. Hef trú á að þau sofi margar nætur í tjaldi í sumar. Varðhundurinn Askur sytur við tjaldið og vonar að það verði opnað svo hann fá líka að kúra inni... inni í tjaldinu...

Á morgun förum við til Tammerfors í vetrarfrísreisu. Ætlum að sofa eina nótt á hóteli og gera fullt af skemmtilegu.

hrossarækt hjá Kringeland

2011-02-23T23:35:00.005+02:00

Í dag er að styttast í heimferð. Búinn að vera í Noregi við hrossatamningar og þjálfun í mánuð á búgarðinum Kringeland. Þar ræður ríkjum Inge Kringeland sem hefur stundað hrossarækt sl. 15 ár. Hér er línan að mestu ættuð frá Miðsitju. Árangurinn í ræktuninni er held ég eins dæmi. Sl. tvö ár hafa hrossin hans staðið í efstu sætum kynbótahrossa í öllum aldursflokkum hér í Noregi. Það eru því ákaflega spennandi og skemmtileg hross sem ég er að vinna með. Það eru hins vegar ár, fleiri en eitt og fleiri en tvö síðan ég hætti að keppa á hrossum og ætla mér ekki að byrja á því aftur... ekki íþróttakeppni... en get alveg hugsað mér að sýna kynbótahross, hver veit. Tveir af öflugustu stóðhestum Noregs, Sævar 7v. undan Keili frá Miðsitju og Spori 5v. undan Skorra frá Blönduósi eru í eigu Kringeland. Þessir hestar eru nú hjá Stian Pedersen, margföldum meistara í hestaíþróttum, verðlaunahafa í gæðingakeppnum og sýnt mikinn fjölda af topp kynbótahrossum. Ég vænti þess að þessir meistarar, Sævar, Spori og Stina láti að sér kveða í sumar. Svo eru öll hin hrossin...

Undarlegt.

2011-01-30T16:09:00.002+02:00

Hann Vignir vinur minn sagði við mig um daginn þegar við vorum að ræða lífið...
"Undaglegt hvað maður lifir stutt og er dauður lengi".

Og hananú

2011-01-27T21:42:00.003+02:00

Þá er ég kominn til Noregs. Úr -20° í -19° svo þetta er bara í góðu lagi. Reindar var BARA -14° í dag fyrsta vinnudaginn, sem var inni dagur. Lýst alveg ljómandi á þetta allt saman. Flott hross og vel ættuð. En hér eru ræktuð Miðsitjuhross. Flottir folar og velgerðar merar. Aðstaðan bara í góðu lagi. NEMA að hér var á undan mér íslendingur sem virðist halda að best sé að vinna við hesta blindfullur. Og umgengnin í hesthúsinu, hnakkageymslunni og herbergið hans er alveg ótrúlega subbó. Það var ekki hægt að stíga á gólfið í hnakkageymslunni. Hann bara fleygði beyslum, múlum, ábreyðum, fóðurbæti, skeifum... já bara öllu á gólfið. Skil ekki fólk sem getur unnið svona. Bara skil það ekki. Það fer nefnilega jafn mikill tími í að halda hlutunum í reglu eins og óreglu. Tala nú ekki um hvað það fer mikið betur með, að hengja upp eftir sig og ganga frá. En Nú er komin röð og regla á hnakkageymsluna, hesthúsið sópað og sjænað og þannig verður það þennan mánuð sem ég verð hér. Og hananú... sagði... eða þannig.

Tamnigar í Noregi.

2011-01-20T20:12:00.003+02:00

Tilbreyting hjá mér. Er búinn að ganga frá því að fara til Inge Kringeland í Noregi að temja og þjálfa hesta. Inge er með búgarð rétt við sænsku landamærin. Um 90 km frá Osló. Gerði samning við hann um að vera 4-5 vikur til að byrja með. Í lok febrúar skoðum við hvort framhald verði á og ég haldi áfram fram í miðjan apríl.

Já og nei...

2011-01-14T12:31:00.004+02:00

Nú bíð ég eftir svari fá Noregi. Svaraði sjálfur fyrirspurn þaðan um að koma og temja... hesta... jákvætt, nú er það spurningin um launin. Get farið strax, því það er ekkert fast framundan hjá mér fyrr en í lok apríl. Þá æfum við Teater Loki upp Græna landið sem verður sýnt í samstarfi við Svenska teater í Helsinki. Kanski maður fari svo aftur til Noregs. Hver veit? Þar er talað tungumál sem er nokkurn vegin skiljanlegt. Get líka notað tækifærið og heimsótt leikhús og leikhússtjóra í Noregi, sem ég hef verið í sambandi við.
Ég sendi reyndar tilboð í uppsetningu á sæluvikuleikriti leikfélags Sauðárkróks. En stjórnin valdi annan leikstjóra. Lukka til LS.
Sit nú við og skrifa leikgerð eftir finnskri bók, sem er alger snild. Reyndar hefur bókin verið kvikmynduð og sú mynd hlotið margar viðurkenningar.

Verkefni

2011-01-10T19:47:00.003+02:00

Veit ekki alveg hvað ég á að gera. Afþakkaði pent að leikstýra verki haustið 2012 hjá Wasa teater. Þetta var nýskrifað leikrit og hugmyndin var að það ætti að fara á stóra sviðið. Leikhússtjórinn sagði mér á fundi í dag að hún ætlaði að leita betur að verki. Hún bað mig um að taka frá haustið 2012 fyrir Wasa teater. Ég lofaði engu. Hún er reyndar létt stress þessa dagana vegna frumsýningar á eigin verki 15. janúar, sem jafnframt er fyrsta frumsýning hennar sem leikhússtjóri. Við ætlum að ræða betur saman eftir frummarann hjá henni. Erum að bræða saman verkefnalista, þar sem ég leikstýri hugsanlega þremur verkum árin 2011 og 12.

Hann pabbi minn

2011-01-04T16:54:00.003+02:00

Hann pabbi minn varð 79 ára þann 3. janúar. Einhversstaðar las ég "allir þessir dagar, öll þessi ár... ekki vissi ég að þetta væri lífið". Það var hann pabbi minn sem stuðlaði að því að ég nota ætíð bæði nöfnin mín. Þannig var að þegar ég var knapi kappreiðarhrossa árin fyrir tvítugt var pabbi blaðamaður með hestafréttir sem sérgrein. Hann var reyndar fyrsti penninn sem var fastráðinn á íslenskt dagblað með hestafréttir sem sérgrein. Seinna stofnaði hann ásamt fleirum hestafréttablaðið Eiðfaxa og var fyrsti ritstjóri þess. Hvort það var í Eiðfaxa eða áður man ég ekki... en hann þurfti nokkrum sinnum að segja frá árangri mínum á vellinum. Hann valdi þá að skrifa ávalt Stefán Sturla. Hann sagði mér að nota ætíð bæði nöfnin því þau væru hljómfögur og hefðu fallegan hrynjandi. Pabbi hefur oft áðlagt mér og ef ég hef verið þeirrar gjæfu að fara eftir ráðum hans hefur það alltaf leitt gott af sér.
Kæri pabbi minn, margt á ég þér að þakka, en lífið mest.

Eigðu frábæran dag og hlakka til að fá þig í sumarvinnu.

Indislegt ár að baki

2011-01-01T22:26:00.004+02:00

Nýtt ár er gengið í garð. Enginn veit hvað það á eftir að sýna okkur, hvað manneskjan á eftir að upplifa og jörðin að gefa af sér eða taka. Hitt er ljóst hvað liðið er. Árið tuttugutíu var í langflesta staði gott ár fyrir okkur, mig, ástina mína og börnin okkar. Skemmtilg verkefni og góð útkoma þeirra get ég sagt að einkenni alla meðlimi fjölskyldunnar. Sandra Björg er orðin formaður lionsklúbbsins Kolgrímu á Höfn, sló í gegn í söngleik haustsins og vinnur á fullu fyrir háskólasetrið á Höfn. Sólveig jr. útskrifaðist frá Iðnskólanum og er komin til Barcelóna í framhaldsnám í fatahönnun. Áttum indisleg jól með henni og Hafþóri. Adam Thor lék í revyu uppsetningu minni í Sundom í byrjun ársins og stóð sig auðvitað vel. Dansinn og tónlistin, skíðin og fótboltinn áttu hug hans allan á árinu sem var toppað með því að fara á leik með Barcelóna á Kamp Nou. Svo gengur honum svo vel í skólanum. Þá er það gullinstjarnan mín hún Anna Alina. Hún byrjaði að spila fótbolta í vor og varð með liði sínu Sundom UF í öðrusæti félagsliða frá austurbotni í sínum aldursflokki. Sl. tvö ár hefur hún verið í myndlistar- og sköpunarnámi með skólanum. Þannig að allar mjólkurfernur, kassar og pappír, efni og aðrir afgangar verða að listaverkum, húsum eða öðru nytsamlegu í meðferð hennar. Svo byrjaði hún á árinu að fara í langa útreiðartúra á Sikli, hestakona og dýravinur af guðsnáð. Sagði mér í lok ársins að hún ætli að verða dýralæknir.
Ákalla guðina um að árið tuttuguellefu færi börnunum mín hamingju, orku, sköpun og gleði, þá verð ég hamingjusamur.

Jólin í Barcelóna

2010-12-28T22:17:00.002+02:00

Við komum heim frá Barcelóna sl. nótt. Það var indislegt að vera hjá Sollu og Haffa. Þar var um 10 til 14 stiga hiti. Við fórum á fótboltaleik með FCBarcelóna og sáum öll goðin læv. Lentum í mjög sérstakri Tænlenskri messu á jóladag í hinni stórkostlegu kirkju Sagrada familia sem er eitt listaverka Gaudi. Auðvita var rölt á Römblunni, þar sem upptroðarar og listamenn skemmtu vegfarendum. Og svo gengu þau S og H með okkur um gamlabæinn, sem er ótrúlega flottur. Jólin voru, þrátt fyrir allt þetta, afslöppuð og sveim mér ef þetta voru ekki bara ein indislegustu jól sem við höfum upplifað. Að sjálfsögðu var enginn til í að fara heim í frystikistuna í Sundom. Hér er nú um 20 stiga frost og á að verða um 30 á gamlárskvöld. En það er óskaplega fallegt veður þrátt fyrir frostið. Og gott að koma heim þegar Askur, Morris og hestarnir tóku svo vel á móti okkur.

Skemmtilegur persónuleiki.

2010-12-14T16:57:00.003+02:00

Alveg er hann dæmalaus hann Völundur. Hörku skemmtilegur klár. Svívandi brokk og skemmtilega þjálfað hægt stökk. Töltið mjúkt en vantar jafnvægi og meiri ferð. Það kemur með þjálfuninni. En hann er ótrúlegur sóði í stíunni. Eftir að hann mígur þá leggst hann oftast í hlandið og veltir sér uppúr því, eins og maður sér stundum hunda gera. Hann liggur alltaf marflatur eins og skotinn... þannig að það er verk að halda honum hreinum... eins gott að hann er svartur. Svo á reið þá gnístir hann saman jöxlunum. Ég er að reyna að venja hann af því með að trufla hann þegar hann byrjar á þessu. T.d. með því að svegja hann eða stopp. Er ekki frá því að þetta hafi minkað. Gæti vel trúað því að svona kækur geti skapað spennu í hálsinum og jafnvel hausverk. Sem aftur leiðir til viðkvæmni eða smá stress. Er að pæla í að prufa mjög þykk mél, sjá hvort þau hafi áhrif á þennan leiðinda vana hjá klárnum.

Góð hvattning.

2010-12-13T10:05:00.003+02:00

Eftir hina hrikalegu terroráras í Stokkhólmi um helgina finnst mér við hæfi að vekja athyggli á orðum Fredriks Reinfeldt forsætisráðherra svía. "Brist på svar kan leda till spekulationer av olika slag. Det i sin tur kan leda till slutsatser som sätter bild som sedan är svårt att ändra. Ha tålamod med demokratin och låt rättsväsendet arbeta", lauslega þítt segir hann, Ófullnægjandi upplýsingar geta leitt til ólíkra vangaveltna. Sem getur haft þær afleiðingar að það verði erfitt að breita niðurstöðunni. Hafið þolinmæði með líðræðinu og leifið réttarrannsakendum að vinna. Getur einhver hugsað sér að forseti USA, Kína, N og S Kóreu, Frakklands, Bretlands já næstum hvaða ríkis sem er, hvetti þjóð sína svona. Ég á erfit með að trúa því.
Vona að stjórnmálamenn í heiminum tileinki sér þessi orð Fredriks Reinfeldt.

Vilji er allt sem þarf...

2010-12-11T23:14:00.003+02:00

Í dag, laugardag, opnaði skíðasvæðið í Öjberget. Þetta er náttúrulega draumur í dós. 800 metrar í skíðasvæðið, hesthúsið og stóra nýja gerðið 50 metrar frá útihurðinni. Við vorum að sjálfsögðu mætt og skíðuðum í tvotíma í hinu hrikalega 50 metra háa fjalli... en eins og sumir vita þíðir sænska orðið "berg" fjall. Svo voru það hestarnir og síðan afmælisveisla. Gengur hægt að klára að flísaleggja sturtuklefann niðri. Mottóið í dag er "klárast þegar tími er til, þetta fer örugglega ekki frá þér", finnst þetta gott mottó.
Er núna að lesa nýskrifað leikrit sem ég var beðinn um að skoða hvort mér findist áhugavert til að leikstýra haustið 2012. Er búinn að segja já við að leikstýra tveimur leikritum, annað haustið 2011 og hitt 2012. Þarf að funda um þetta nýja verk með höfundinum sem hefur skrifað mikið fyrir áhugamannaleikfélög. Því miður skrifar hann þetta nýja leikrit þannig að persónur eru einfaldar og þær segja frá hvað var að gerast frekar en að sýna það... En megin fléttan, hugmyndin, er góð. Þarf bara að vinna miklu betur í leikritinu. Það er spurning hvort það sé vilji til þess.
En eftir áramót til vors er algerlega óráðið hjá mér... skoða allt, ef þú veist um eitthvað:-)

Gullinstjarnan

2010-12-04T21:06:00.000+02:00

Gullinstjarnan mín varð átta ára í gær 5. desember. Við höfum það fyrir venju að halda uppá afmælin. Það komu 13 stelpur í veisluna til Önnu... og það var mikið fjör. Auðvita hlaðið borð af góðgæti sem mamman töfraði fram og síðan leikir. Í lokin kom svo sögumaður og sagði söguna um hana Rauðhettu... á svolítið annan hátt en skvísurnar höfðu áður heyrt hana. Eftir partíið fórum við svo út að borða... önnur venja sem við höfum komið okkur upp... afmælisbarnið fær að velja sér veitingastað... enþá eru það hamborgarastaðir. Á leiðinni þangað datt uppúr afmælisbarninu... "Hvað það er skrítið að vera orðin átta ára, maður finnur það í líkamanum að maður er eldri".
Flott sagt og gildir um alla afmælisdaga.

Í dag 6. desemer, er svo þjóðhátíðardagur Finna. Við vorum boðin til Önnu Grönblom, leikkonu í mat. Hún bauð uppá æðislega elgsteik og alles. Þannig að um þessa helgi voru tvær stórveislur.
Elsku besta gullinstjarnan mín, þitt ljós er fallegt og megi það skína um mörg ókomin ár... þinn pabbi.

Þetta vanalega...

2010-12-04T20:51:00.004+02:00

Djö... hvað þessi fésbók tekur tímann frá manni! Reyni að vera stutt inn og bara að svara og komast í samband við fólk. En þvílíkt samskiptasull. Já , jæja hvað um það vissi að FB væri svona og hafði þess vegna verið tregur á að skrá mig þangað. Verð samt að viðurkenna að maður er í ótrúlegu sambandi við umheiminn. FB er eins og Gróa gamla, það sem sett er þarna inn fer eins og eldur um heiminn og fréttist. Enda eru markaðsstjórar yfir sig hrifnir af þessari leið í markaðssetningu. Frétti af rithöfundi sem opnaði síðu með væntanlegri bók sinni. Höfundurinn létt alltaf eitthvað spennandi út á netið og pælingar. Áður en bókin var komin í prentsmiðju var búið að selja 500 eintök. Þetta var reindar matreiðslubók... en só?

Annars gengur lífið sinn vana... þú veis... hér í Sundom. Járnaði Sikil í gær. Fór að ráðum mömmu og tók hann rosalega niður á tána að aftan. Hann var orðinn svo hliðstæður hjá Önnu. Fór svo á hann í dag. Allt annar klár. Tölti bara feikna vel og kominn smá vilji. Anna hefur reindar verið að kvarta svolítið undan honum. Hann vill orðið fara hraðar en hún. Þarf aðeins að laga hann til svo hann hlíði henni betur, sérstaklega í beysli.

Annan á afmæli á morgun... úllala og bara 13 stelpur í partí.

Madama Jólasveinn

2010-11-27T20:40:00.004+02:00

Í dag er frumsýning á Madama Butterfly í Malmö óperunni. Svo sem ekki nein stórfrétt, því það er alltaf verið að sýna þessa frábæru óperu sem er eftir Puccini, nema hvað að Ilkka Palionemi vinur minn, og sá sem lýsti bæði Ofviðrið og Græna landið sem ég setti upp, lýsir þessa sýningu. Hann er einn allra fremsti ljósahönnuður finna og hefur sérhæft sig í óperum. Ilkka er deildarstjóri ljósahönnunardeildar Finnska listaháskólans í Helsinki. Ég óska vini mínum til hamingju með daginn.
Á morgun er fyrsti sunnudagurinn í aðventu, sem þíðir að "lilla jul" litlu jólin eru í dag. Já þannig er það hér í Finnlandi. Þá kemur jólasveinninn með smá gjafir til krakkanna. Hann rífur upp hurðina og kastar inn poka með gjöfunum og hrópar "fins nokkra snella barn här" er nokkur þæg börn hérna? Svo ríkur hann út með látum og hverfur í myrkrið. Auðvitað reina krakkarnir að ná honum. Það er því búið að vera bið í kvöld eftir kallinum. Hann kom... en ég missti af honum. Var í hesthúsinu einmitt þegar hann kom... sjitt!!! Hefði örugglega hlaupið kallinn uppi til að tékka hvort þetta sé hurðaskellir að villast í Finnlandi.

Wcið er notalegt...

2010-11-20T22:21:00.003+02:00

Fyrir ykkur sem bíðið á vesalings öndinni, standandi eða hvernig sem þið farið nú að því, þá skelli ég hérna inn mynd af wc herberginu á fyrstuhæðinni. Þar sem ég hef haldið mig meira og minna sl. daga. Panel 1,10 m hátt uppá vegginn, veggfóður þar fyrir ofan og flísar á gólfinu. Allt svolítið hrátt enþá, en þetta mjakast.

19.11.1999 sérstakur dagur...

2010-11-19T22:55:00.003+02:00

Prinsinn minn varð 11 ára í dag. Þetta hafa bara verið indisleg ellefu ár með honum. Áhuginn á lífinu og öllu í kringum sig, einkennir Adam. Hann hefur stórt og gott hjarta sem nær til allra. Þess vegna var hann valinn besti vinurinn af bekknum sínum sl. vor. Sumir af hans bestu vinum segjast ekki skilja af hverju hann sé svona vinsæll og allar stelpurna séu skotnar í honum, en ekki þeim. Adam segir að það sæe stundum of mikið.. td. þegar þær elta hann til að fá að strjúka hann um vangann... hann sé með svo slétta og mjúka húð. En þannig er sálin líka... þess vegna er hann svona vinsæll. Einlægni og góðmennska er það sem gildir í lífinu. Þannig hef ég reint að leiða börnin mín áfram. Og það hefur sínt sig að með þetta að leiðarljósi líður manni vel og nær langt.

Elsku besti prinsinn minn, til hamingju með að byrja annan tugin í lífinu.

Þetta æðislega flug.

2010-11-18T21:51:00.003+02:00

Sl. tvo dag er ég búinn að vera að vinna heima. Þar er af nógu að taka. Enþá að dunda á klósettinu. Langir dagar þar... hehehehehe. Svo að klára að járna gæðingana á vetrarskeifur, því hér er snór og frost. Þannig að það er stórhættulegt að hafa klárana á sléttum. Já, já og það fer tími í fimm hesta á húsi... Þetta er algert æði. Skila þremur af mér efitr viku. Þá fara þeir heim til Närpes.

Erum að byrja að undirbúa revíuna eftir áramót. Er búinn að lofa að hjálpa til, svona svipað og í fyrra. Við Lassi Hjelt verðum saman í að leiða hópinn. Ekki stöðug leikstjórn heldur komum og stillum strengina eftir þörfum.

Svo á Adam Thor afmæli á morgun 19. október, ellefu ára... táningur á næsta ári... úlalala... tíminn flýgur... og það er alveg æðislegt flug.

Nammi og flögur, gos og alles

2010-11-13T15:49:00.003+02:00

Í gærkvöldi var DISKO í skólanum hennar Önnu. Auðvitað var hún búin að stefna þangað alla vikun, mátti koma í búningi. Dagurinn var létt strassaður hjá kallinum föður hennar. Mamman í Borgå að til laugardags, Ég vann til fjögur. Þá að sækja Önnu í Eftis (les eftirskólanskólan) svo inn í bæinn aftur og sækja timbur og kerru vera á skeiðvellinum klukkan fimm þar sem ég var að sækja spæni. Komast heim og mála Önnu og hjálpa til með búning fyrir DISKOið sem byrjaði kl 18. Komast aftur inn í bæinn til að skila kerrunni fyrir klukkan 19 og sækja Adam, sem var hjá Danna vini sínum. Púff þetta hafðist allt með léttu stressi... En Anna skemmti sér vel á DISKOinu sem stóð til kl 20. Gullinstjarnan mín vann verðlaunin fyrir besta búning og förðun. Kom heim rétt í tæka tíð til að sjá IDOL sem byrjaði kl 21. Vorum með nammi og flögur, gos og alles, en gullinstjarnan steinsofnað löngu áður en IDOLinu lauk.

Mergjuð saga og skemmtileg

2010-11-10T17:42:00.003+02:00

Úlalalaaa... það er fjör á bænum núna. 15 cm jafnfallinn snjór í morgun þegar við vöknuðum. Það urðu fagnaðaróp hjá yngri kynslóðinni. Hiti um frostmark svo það er fljúgandi hálka og stórhættuleg færð.

Í fyrramálið fer Petra til Borgå í vinnuferð og kemur ekki heim fyrr en á sunnudag.

Ég að gera umsóknir í Svenska kulturfonten sem þurfa að vera tilbúnar fyrir mánaðarlok. Var í gær með þrjár leiklestraruppákomur í bókasafninu í Krossanesi (Korsnäs). Þar flutti ég Bláhnöttinn fyrir grunnskólabörn. Það var fjör, þetta er svo mergjuð saga og skemmtileg.

Flott Sofi

2010-11-08T19:27:00.002+02:00

Úbbbs.... skráði mig á fésbókina í gær. Ekki svo að ég ætli að fara að viðra skoðanir eða skrá klósettferðir mínar þar. Hugmyndin er að nota fésið til að vera með upplýsingar um mig og myndir fyrir þá sem áhuga kynnu að hafa. T.d. leikhússtjóra sem hafa sumir spurt hvar sé hægt að nálgast myndefni frá sýningunum mínum. Sumir reyndar mjög hissa á að ég sé ekki á fésinu. Ég mun sem sagt ekki liggja í tölvunni og svar heimskulegum spurningum frá lákúrulegum spyrjendum. Við hér í Finnlandi erum þroskaðri en svo. Sjáið bara frábæra kröfu Sofi Oksanen um að þeir menningarblaðamenn sem taka við hana viðtala kunni, viti og geti... Þetta gerði reindar Halldór heitinn Laxnes líka. Vísaði gjarnan fáfróðum blaðamönnum til dyra.

Elsku mamma

2010-11-06T12:20:00.003+02:00

Assshhh... mamma fór til Svíþjóðar í gærkvöldi. Þá var sorg í fjölskyldunni. S.l. þrjár vikur voru indislegar og afslappaðar með mömmu. Við dunduðum við margt og skemmtilegt. Vest hvað hún er orðin fotafúin. Suma daga var gigtin í táberginu alveg að fara með hana. En við fundum góða skó sem hún getur notað í hesthúsinu á Íslandi. Auðvita notaði hún þá ekki hér, vegna hættu á sjúkdómasmiti. En Petra á alveg eins skó sem mamma notaði í hesthúsinu. Í Svíþjóð stoppar mamma til 14. nóvember hjá Krissa og flýgur síðan heim til Íslands.

Aldarfjórðungsafmæli

2010-11-04T21:28:00.003+02:00

Tuttugu og fimm ár er langur tími. Fjórðungur úr öld. Það er skrítið að eiga stelpu sem er orðin einn fjórði hundrað ára... Það var hins vegar ekki gefið að hún yrði svona gömul. Fædd aðeins tæpar fjórar merkur. Ég hafði heyrt af litlum börnum sem gátu sofið í skókassa... hún Sólveig mín gat sofið þversum í skókassa og látið fara vel um sig. Foreldrarnir voru hins vegar í þjálfun, stóra systir hennar Sollu var sex merkur. Já við áttum lítil börn. Litlu börnin urðu stór. Solla hefur verið formaður nemendaráðs í Snælandskóla og virk í félagsmálum. Hún er kraftmikil, svolítið bóhem og ákaflega listræn í sér. Hún hefur þann eiginleika að skapa og sjá nýja möguleika. Það er því spennandi að fylgjast með henni og náminu í Bacelóna. Hún er lærður klæðskeri og framhaldsnám í fatahönnun var einhvern vegin sjálfgefið. Ég á glæsilegan frakka sem hún hannaði og saumaði og gaf mér í stórafmælisgjöf.
Elsku Solla mín ég er svo stoltur af þér. Til hamingju með fyrsta aldarfjórðunginn sem var þann 29. október (fyrir þá sem ekki vita), við bijum að heilsa Haffa og bráðum kemur 20. desember. Styttist um einn dag á hverjum degi.

Höfundur símaskrárinnar... SÆLL... hahahahahaaa

2010-10-29T20:37:00.004+03:00

Alveg geta íslendingar verið... sérstakir!
Nú er það Gillz... nýr höfundur að símaskránni. HÖFUNDUR... hahahahahahaaaa... Mig rekur rosalega í vörðuna höfundur að símaskránni??? Bíddu er þetta ekki auglýsingabæklingur með nöfnum og símanúmerum íslendinga? Eitthvað er ég að misskilja vitlaust. Getur einhver fengið minna áhugvert jobb en að hamra á lyklaborðið nöfn allra íslendinga í rétti röð. Kannski ætlar hann að vera rosalega frummó og raða nöfnunum eftir aldri eða lit eða eftir einkavinavæðingarkerfi sjálftökuflokksins (lesist sjálfafneitunarflokksins... eða hvað flokkurinn nú heitir). Gillz er svo lítill kall að hann tekur að sér að vera HÖFUNDIR... hahahahahaha símaskrárinnar, minna gat það nú varla verið. Lítill kall. En því miður virðast margir vera jafn litlir og hann og safna undirskriftum og ætla ekki að láta deygið síga fyrr en það hefur hrakið Gillzinn frá lyklaborðinu... Hingað til hafa HÖFUNDAR... hahahahaha símasrárinnar fengið að ráða forsíðunni og einhverjum litum, jafnvel leturgerð. Þar með er þætti HÖFUNDAR... hahahahaha lokið. Er þetta eitthvað til að gera óveður útí? Leifið litlum köllum að leika sér og bannið þeim það eigi því þeirra er athyglissýkin. Kannski er þetta bara eitt stórt gys?

Ferðalangarnir komnir

2010-10-26T09:59:00.003+03:00

Jæja þá eru Byr, Völundur og Sveipur komnir til Sundom. Allir hressir og við hestaheilsu. Auðvitað voru þeir þreyttir og þyrstir eftir 18 tíma ferðalag frá Norrköping. Voru nóttina um borð í ferjunni og síðan nærri 4 tíma keyrsla frá Nordendal til Sundom. Það góða við þetta ferðalag er að það er bara keyrt á sléttlendi. En afgreiðslan í Norrköping tók 8 tíma. Driverinn minn var boðaður klukkan 17 en fékk hestana ekki afhenta fyrr en klukkan 23. Lendingin var klukkan 14:30 þannig að afgreiðsla á 80 hrossum tekur aldeilis tíma.

Kellurnar mínar hér í Sundom... Íslandshestakonurnar... komu um leið og hestarnir voru komnir. Í kjölfarið kom svo Patricia sem er búin að kaupa Byr og Sveip. Allar spentar og jesússuðu sig hvað þeir væru "gullig"...

Fljótlega koma svo tveir áhugasamir kaupendur að skoða Völund. Þetta er eins og með bílana... þeir seljast frekar ef þeir eru á staðnum þegar kaupandinn kemur að skoða...

Närpes og musical

2010-10-24T12:19:00.003+03:00

Flottur dagur í dag. Haustið farið að láta til sín taka. Frost á næturnar og þiðnar ekki í skugga á dagin. Í gær fórum við með mömmu til Närpes. Þar eru um 150 smá hesthús við kirkjuna. Þetta eru hús sem fyrst voru reyst einhvertíman á 1700 öld. Bændur sem sóttu kirkju komu á hestum... allir auðvitað með kerru, þannig komst öll fjölskyldan til kirkju á einum hesti. Hvert hús tekur tvo til fjóra hesta. Þetta er alveg ótrúega sérstakt og flott og er auðvitað minnjaverndað. Við fórum líka til fjölskyldunnar sem kaupir Byr af mömmu. Þar er verið að innrétta útihús sem hesthús. Allt úr timbri og alveg sérlega smekklega gert. Mamma var himinlifandi að sjá hv vel verður búið að Byr. Hestarnir þrír sem eru að koma til Sundom, Byr, Völundur og Sveipur, komu til Norrköping laugardaginn 23. október og koma til Sundom mánudaginn 25. klukkan 11:31... eða um það bil þá... ehehe!

Mamma og Adam enduðu svo dagin í gær, laugardag, með að fara í Wasa teater og sjá "Með fullri reisn" The Full Monty.

Svið og allt

2010-10-19T20:54:00.003+03:00

Úl,lala...
Fékk 10 stikki lambshausa um helgina og er búinn að svíða þá, sjóða og éta einn. Níu í fristinum. Auðvitað bauð ég mömmu að smakka, sem hún þáði að sjálfsögðu. Þar með eru þeir upp taldir sem borða svið á heimilinu. En mmmmmmm nammmi gott. Styttist í að hestarnir koma og breitingarnar á baðherberginu niðri að taka á sig rétta mynd. Ef vinnan stæli ekki svona frá manni tíma væri ég búinn með breitingarnar.
Indislegt að hafa mömmu hjá okkur. Tíminn líður bara allt of hratt.

Frábær fyrirlestur

2010-10-12T22:06:00.003+03:00

Mamma lendir í Helsinki klukkan 14:20 þann 13. október. Við krakkarnir förum og sækjum hana á flugvöllinn. Þetta er smá skutl... svona Reykjavík - Húsavík eða ca. sex tímar aðra leiðina. Það er frábært að fá mömmu til okkar. Ferðin til baka er ekki bókuð svo hún stoppar vonandi lengi.
Ég skelti á hana hugmynd um að búa til fyrirlestur fyrir hestaáhugafólk.

Hugmyndafræðina á bakvið Miðsitjuræktunina:

-að rækta íslensk hross... hvað ber að varast og hver er lykillinn að árangri

-að velja ræktunarmeri

-að velja stóðhest
-hvað þarf folald að sýna til að fá séns sem ræktunarmeri eða famtíðar stóðhestur.

Við ætlum að búa til svona fyrirlestur. Þannig að hafir þú eða einhver í kringum þig áhuga á að fá mömmu með svona fyrirlestur sem verður ca. einn klukkutími og síðan sytur hún fyrir svörum... já þá er bara að hafa samband við ræktunarkonuna Sólveigu Stefánsdóttur, eldri... sú yngri er nefnilega í Barcelonu að rækta garðinn sinn.

Það finnst mér

2010-10-07T18:30:00.003+03:00

Nú er ég byrjaður að gera upp WC herbergið niðri. Nýtt á gólf og veggi og skápur fyrir þvottavélina og það sem fylgir henni. Gamlar innréttingar í ruslið og panel á veggina og einn stór spegill. Þarf að skipta um plötur á veggjunum og set þá nýja lýsingu í gufubaðið um leið. Flísar á gólfið og sturtuveggina tvo. Svo sandblásinn glervegg með rennihurðum að framan.

Ef maður nennir að vinna við að gera fínt fyrir aðra ætti maður að geta gert það sama heima hjá sér. Það finnst mér...

Úllalala...

2010-10-06T23:12:00.004+03:00

Frábærar fréttir:

Mamma kemur til okkar þann 13. okt. Flýgur á Helsinki. Ég geri ráð fyrir að fara suðureftir og sækja hana. Þetta er smá skutl... svona eins og Reykjavík - Húsavík.

Svo bókuðum við flug til Barcelona um jólin. Fljúgum til Sollu og Haffa þann 20. des og heim til Vasa þann 27. Jólavika í Barcelona. Ætli jólasveinninn komi með í skóinn til Spánar?

Ammarnes kynning og magnetrönken

2010-10-05T20:52:00.004+03:00

Í dag var foreldrum krakkanna sem fóru til Ammarnes í skólaferðalag, boðið á kynningu á hvernig ferðin tóks til. Fengum að sjá ljósmyndir, bíó og PowePont kynningu sem krakkarnir höfðu gert. Rosalega gaman að sjá hvernig skólinn vinnur með allt sem krakkarnir gera í nafni skólans. Flott PP kynningin hans Adams.

Anna búin að vera í rannsóknum vegna þess að slæmskan í hægri fætinum minkar ekki. Fengum loksins alvöru lækni sem ætlar ekki að hætta fyrr en komin er niðurstaða. Fullt af blóðprufum og svo fer hún í "magnet"rönken innan 30 daga. Vonandi fáum við niðurstöðu fyrir jól hvað það er sem hefur háð gullinstjörnunni minni sl. 4 ár. alltaf þegar hún reinir á fótinn fær hún verki, sem nú eru farnir að leiða í mjöðmina og stundum upp í öxlina.

SÖNGUR UM LÍFIÐ

2010-10-02T10:58:00.004+03:00

Stór dagur hjá henni Söndru minni... Í kvöld frumsýnir hún með hjálp nokkurra Hornfirðinga í Hornfirska skemmtifélaginu, söngshowið SÖNGUR UM LÍFIÐ þar sem flutt verða lög frá ferli Rúnars Júlíussonar. Þetta er níunda haustverkefni Hornfirska skemmtifélagsins á Hótel Höfn og það þriðja sem Sandra Björg er með í en áður hefur félagið sett upp sýningarnar Slappaðu af!, Með allt á heinu, Diskó, Rokk í 50 ár, American Graffiti, Eitís, Bítl og Popp & Kók. Auk þess hefur félagið staðið fyrir blúshátíðinni Norðurljósablús árin 2006, 2007, 2008 og 2009 en árið 2010 sá Sandra um skipulagningu blúshátíðarinnar.

Elsku Sandra mín, þú ert orðin ómissandi í menningarlífi Hornafjarðar... reindar er enginn ómissandi... nema kannski þú... hehehehe! Það er sama hvar þú stígur niður fætu, þá ertu kominn á fullt í menningu og félagsstörf. Flott Sandra mín.

Við erum með þér í anda hverja stund í dag og kvöld. Njóttu þess að vera með flugu í maganum og láttu hana fljúga með krafti í kvöld, poj,poj,poj...:-)

Alvöru eða steypa og stál

2010-09-30T21:12:00.003+03:00

Það var æðislegt að þramma um mýrarfláka, þúfur og skóglendi á mánudaginn. Réttnefni "göngur". Gengum eyjuna þvera og endilanga. Fundum flestar rollurnar... flestar en ekki allar, vantaði þrjár. Þær hafa sennilega synt útí nærliggjandi hólma. Þetta er svona smalamennska eins og Pabbi og Steini "bróðir" lýstu fyrir okkur Sollu þegar við fórum með þeim út í Hvallátur, hérna um árið. Nostalgía af bestu gerð.

Vikan bara búin að vera vinna og gerði. Geri ekki ráð fyrir að ég skipti um jarðveg í gerðinu fyrir veturinn. Það verður sennilega vorverkefni. Já, já ég er á fullu í smíðunum. Vinn með "Björn" (mannanöfn eru aldrei beigð hér í útlöndum) við að byggja einbýlishús. Allt annar frágangur á hornum og kringum glugga og hurðir já eða þakskeggi hér í Finnlandi en heima á Íslandi. Hér er ekki gert ráð fyrir að rigni þvert á húsin, eða uppundir þakskegg. Þar er allt opið inná ullina. Hér er fyrst og fremst hugsað um að tapa ekki hita út úr húsinu. Ekki svo mikið verið að spá í að raki geti eyðilagt. Í grunnin eru þetta samt sömu handtökin. Vorum tvo daga að setja glugga í blokk sem er verið að byggja. Þar er þetta nú sama grófa byggingarvinnan, steypa og stál. Tókum bara að okkur að glugga húsið og svo farnir að smíða einbýlishús úr timmbri. Það er alvöru.

Söngur og göngur

2010-09-26T21:15:00.004+03:00

Í gær laugardagskvöld fórum við Petra á frumsýningu á söngleikinn "Með fullri reisn" eða The full monty í Wasa teater. Það var leikhússtjórinn Seija sem leikstýrði. Kona sem aldrei hafði farið á söngleiki áður en hún varð stjóri í Wasa teater. En núna þremur söngleikjum og jafnmörgum árum seinna leikstýrir hún sínum fyrsta söngleik... með glans. Eins og margir vita fjallar Með fullri reisn, um menn sem eru atvinnulausir og ákveða að stofna stripphóp. Sýna venjulega menn klæða sig úr fötunum, menn sem kunna lítið til verka í þessum show-fræðum... Þetta er fínn söngleikur og einn af þeim sem endar í hápunkti og það finnst mér gott við söngleiki. Flott show og flottir söngvar þótt enginn lög sé neinstaðar á toppi rennur þessi söngleikur bara vel, kraftur og leikgleði ásamt flottri sviðsetningu gerði þetta að góðu kvöldi.

Mánudagurinn verður skemmtilegur hjá mér... göngur. Já hinar árlegu göngur í Valsörarna við göngum allt Stóraskerið, þetta er æði. Fyrst þarf ég að keyra í klukkutíma út í Bjarkareyju, þaðan er svo um 40 mínútna sigling til Valseyjanna. Smölunin tekur um 4 klukkutíma svo þarf að flytja féð um 200 talsins í land á bátum. Bara gaman.

Þjófstolið gerði... er það hægt?

2010-09-21T18:49:00.004+03:00

Ég er byrjaður að gera gerði hér í búgarðinum. Stærðin er 60 x 30 metrar. Fínt til að þjálfa í og vera með reiðnámskeið. Ég er búinn að pæla lengi í hvar og hvernig ég ætti að staðsetja gerðið. Það er búið að ferðast um allan hektarann og snúast í ótal hringi. Nú er ég samt búinn að ákveða hvar og hvernig það á að vera. Hér í nágrenninu var svo verið að skipta um rafmagnsstaura, sem eru besta efnið í hornstaura. Ég fór náttúrulega til kallanna og spurði hvað ætti að gera við gömlu staurana.
Henda þeim, var svarið.
Hurðu... sagði þá ég... væri ekki hægt að kaupa nokkra staura?
Nei var svarið...
En get ég þá fengið þá gefins... spurði ég aftur.
Nei var aftur svarið.
Sjitt maður. Svo röbbuðum við eitthvað um Ask sem var með mér. Þegar ég ætlaði að kveðja sagði kallinn, Það er enginn að vinna á kvöldin, þannig að þá geta staurarnir horfið. Við megum ekki selja þá eða gefa, en erum fegnir ef þeir hverfa... það er svo dýrt að eyða þeim vegna náttúrumengandi efna sem eru notuð til að fúaverja þá, sagði sem sagt kallinn.

En þessir staurar eru búnir að vera í jörðinni í 15, 20 ár svo þeir eru löngu hættir að menga þessi brot úr grömmum sem sagt er að falli frá þeim. Svo nú er ég að grafa eins metirs djúpar holur fyrir hornstaura og hlið. Ég er búinn að saga niður staurana í 2,50 metra langa staura. Þannig að þetta eru þjófstolnir staurar sem ég er að grafa í jörðina með leifi... eða þannig.

Suður fljúga fuglarnir.

2010-09-19T19:09:00.004+03:00

Og nú styttist í að mín kæru Sólveig og Hafþór flytja frá Los Klakos til Los Barcelonos. Ábyggilega mikill spenningur á þeim bænum. 21. september fljúga þau til Hollands og taka þar sendiferðabílinn sem þau eiga þar fullan af dóti og keyra sem leið liggur í gegnum Frakkland til Los Barcelonos. Þar eru tveir sænskir vinir þeirra búnir að finna fjöguraherbergja íbúð sem þau ætla að leigja saman. Íbúðin er í skólhverfinu sem Solla fer í framhaldsnám í hönnun. Spennandi tími framundan hjá Sollu minni og Haffa.

Og við fjölskyldan ætlum að eyða jólunum með þeim á Spáni. Hlakka til... hlakka svo mikið til...

Góðir straumar...

2010-09-17T22:06:00.003+03:00

Kæru vinir, vandamenn og þið hin. Ég vil deila með ykkur áfalli sem ég varð fyrir í vikunni. Minn kæri vinur og leikari Borgar Garðarsson fékk heilablæðingu. Sem betur fer væga... sem var litla ljósið fyrir vinn minn Bogga. Hann var nokkra daga á spítaka en er nú kominn heim. Auðvita hafa svona blæðingar afleiðingar. Fyrir Bogga hafði þetta áhrif á talstöðvar heilans. Þannig að hann er svolítið þvoglumæltur. Með tímanum á þetta að lagast. Hvíld og góðir straumar frá vinum og öllum sem hugsa hlýtt til eins besta leikara sem Ísland hefur alið af sér hjálpar. Hann er hress og ætlar að leika Græna landið á vormánuðum. En að sjálfsögðu falla niður sýningar sem áætlaðar voru í október í Svenska teatern í Helsinki. Nú snýst allt um að ná heilsunni og krafti og sjá svo til. Ég bið ykkur að senda Bogga vini mínum hlýjar hugsanir.

Trönu tími

2010-09-11T08:20:00.003+03:00

Nú er tími Trananna hér í Sundom. Á þessum tíma ársins flykkjast þær svo þúsundum skiptir hingað á langflugi sínu. Millilenda í Suðurfirðinum. Stoppa þar á daginn og fljúga til hafs klukkan 19 til 19.30 þar sem þær halda sig á næturnar. Koma síðan aftur klukkan 7.30 til 8 á morgnanna inn til lendingar á Suðurfirðinum. Þið trúið kannski ekki þessum tímasetningum, en svona er þetta. Nánast hægt að stilla klukkuna eftir flugi þeirra. Þið getð rétt ímyndað ykkur hvernig það er að fylgjast með oddaflugi þessara tignalegu fugla fljúga yfir býlið okkar. Kvakið þeirra minnir á söng svana, sem er svo fallegur með sína grófu tóna. En það eru miklu fleiri fuglategundir sem nýta sér Suðurfjörðinn til hvíldar á langflugi sínu. Þarna eru því tugir fuglaskoðara á daginn.

Að ríða um Suðurfjörðinn núna er ákaflega skemmtilegt. Veit ekki hvort ég horfi meira á fuglana eða fuglaskoðarana.

Hugsið ykkur hvað "Trana" er fallegt nafn á móálótta meri. Ég á eina sem heitir Hara, næsta mun heita Trana.

Góður tími.

2010-09-10T17:02:00.003+03:00

Þetta er búin að vera frábær vika hjá okkur Önnu. Adam og Petra koma í nótt (laugardagsnótt) heim frá Ammarnesi í Svíþjóð þar sem þau eru búin að vera í viku. Þetta var líka fyrsta vikan mín í vinnu hjá Björn bróður Petru. Er í fínni þjálfun með hamarinn eftir að hafa tekið útihúsið í gegn og innréttað helminginn sem hesthús og hinn helmingurinn er að verða tilbúinn sem almenn vinnuaðstaða fyrir fjölskylduna.

Ég finn það að það er nauðsynlegt að vera stundum bara einn með öðru barninu. Allt er afslappaðra og maður er miklu nánari eftir svona samverustund. Kannski það sama gildir um tíma með frúnni... Kannski ætti maður að prófa það.

Hestastelpan...

2010-09-06T17:22:00.003+03:00

Fyrsti dagurinn í byggingarvinnu með Björn bróður Petru. Ég er svona lausráðinn í verkefni sem henta okkur hverju sinni. Geri ráð fyrir að vera með honum til áramóta. Með pásu í okt. þegar ég fer til Helsinki í 3 vikur með Græna landið.
Mamma sendi mér e-mail í gær og áréttaði hvað heimurinn er lítill og tilviljanirnar skrítnar. Adam og Petra eru núna í skólaferðalagi í Ammarnes í Svíðþjóð sem er smá þorp við norsku landamærin, um 150 manns sem búa þarna, en "þangað fóru Jói, Siggi og Þórður í hreindýraævintýrið forðum, riðu þaðan upp á heiðarnar og til landamæra Noregs, þau voru ótrúlega fá sem smöluðu um 10 þús. hreindýrum til byggða", skrifaði mamma.
Við Anna eru ein heima og skemmtum okkur. Í gær fórum við á Toy story 3 og síðan keyrðum við og skoðuðum stóru hesthúsin á Vasa svæðinu og lögðum síðan á okkar hesta og riðum í tvotíma, lengsti reiðtúr Önnu til þessa. Erum núna að fara á reiðvöllinn í Vasa en þar verður brokk kerukeppni í kvöld sem við ætlum á sjá.

Haust og fjör

2010-09-04T10:12:00.003+03:00

Helgin komin, og haustið líka. Kólnar hratt núna og í dag laugardaginn 4. sept. kveikti ég í fyrsta sinn upp í arningum til að hita upp í stofunni á þessu hausti. Það er um 12 til15 stiga hiti úti en spáir reindar meiri hita þegar fer að líða á næstu viku.
Á morgun fara Adam og Petra í skólaferðalag til Ammarnes í Svíþjóð. Sem er lítill fallegur fjallabær við norsku landamærin. Þau verða í fimm daga. Á meðan er Anna búin að skipurleggja heilmikla dagskrá fyrir okkur, bíóferð, sund, leikhús og svo náttúrulega að gera eitthvað spennandi... hehehehe. Litla prinsessan kann lagið á pabbsanum sínum. Reyndar átti hún að spila með fótbaltaliðinu í dag í undanúrslitum deildarinnar, en er með slæma hálsbólgu og hósta. Þannig að hún spilar ekkert í dag, því miður. Vona að þetta verði ekki eitthvað langvarandi svo við getum framkvæmt eitthvað af óskalistanum hennar, meðan Adam og Petra eru í Ammarnes.

Stóri dagurinn hennar Söndru

2010-08-30T10:57:00.003+03:00

Stóra stelpan mín og frumburðurinn Sandra Björg, á afmæli í dag. Ég segi ekki fyrir hvað mörgum árum síðan hún fæddist, það gerir maður ekki þegar fallegar konur eiga afmæli... það segir líka eitthvað til um aldur foreldranna... hehehe. Strax varð hún ákveðin, heiðaleg og afskaplega tillitsöm gagnvart öðrum. Var því valin til forystu í skólanum þegar hún var yngri, já og eldri líka. Þannig að hún hefur alltaf verið mjög virk í félagsmálum. Hún er reyndur fálagsmálamaður sem væntanlega kemur henni vel í starfi, og í lífinu.
Man eftir því einu sinni þegar hún var líklega þriggja ára, í pössun hjá afa litla og ömmu Dóru. Kvöldið kom og hún átti að fara að sofa. Þá settist hún upp í rúminu og neitaði á sinn hóværa en ákveðna hátt; "Sandla ekki sova..." og stóð við það þangað til að þreytan tók yfir og hún seig á hliðina og valt útá koddan steinsofnuð. Ekkert vol eða frekju öskur... man reyndar aldrei eftir að hún hafi verið með frekju eða yfirgang... bara ákveðni.
Elsku Sandra mín, til hamingju með daginn. Við söknum þess að vera ekki hjá þér á deginum þínum.

Þinn kæri pabbi.

Leikárið að byrja.

2010-08-27T14:51:00.003+03:00

Í gær var kynning á leikári Wasa Teater. Þar er ýmislegt spennandi og hitt líka. Fyrsta frumsýning haustsins er verk eftir finnska verðlauna rithöfundinn Sofi Oksanen. Hún skrifaði verkið "Hreinsun" fyrst sem leikrit og síðan bókina, sem Siggi Karlsson er búinn að þýða úr finnsku og verður gefin út á Íslandi í haust. Bókin hlaut bókmenntaverlaun Norðurlandaráðs í vor og hefur unnið flest verðlaun sem rithöfundur getur unnið til... nema Nóbelinn... enþá. Þetta er kolsvartur drami sem gerist í Eistlandi á stríðsárunum og fram á sjöunda áratuginn. Verkið spannar alla þætti mannlegrar hegðunnar. Persónurnar er óútreiknanlegar, sársaukinn, ástin, hatrið og ofbeldið kalla fram hegðanir sem eru manneskjunni oftast fjarstæðukennadar. Leikstjóri verksins, Peter Snickars hefur unnið nýja leikgerð fyrir uppsetninguna. Segist hafa náð í efni úr bókinni sem höfundur var ekki með í frumgerð leikritsins. Það verður spennadi að sjá þessa uppsetningu. Og kannski seinna sjá Íslendingar þetta verk á fjölum Þjóðleikhússins sem hefur tryggt sér réttin á því.
Önnur frumsýning haustsins er söngleikurinn hressilegi "The full monty".

Síðan verða leikhússtjóraskipti um áramótin og nýji leikhússtjórinn, Ann-Luise Bertell byrjar ferilinn á að sýna nýtt verk eftir sig sjálfa, sem heitir Ängland. Því miður lovar það sem sýnd var úr verkinu... ekki góðu.
Það verða 8 frumsýningar þetta leikárið í Wasa teater... fjórar fyrir áramót og fjórar eftir áramót, ekki samdráttur á þeim bænum. Já og tvær gestasýningar. Það verður því spennadi leikhúsár í Vasa því í finnskumælandi borgarleikhúsinu verða 16 sýningar í vetur.

Verið alltaf kærlega velkomin

2010-08-18T09:53:00.003+03:00

Hversdagurinn er nú indislegur. Ég er svo feginn að vera meðalmaður og smáborgari... Allt á að vera í föstum skorðum... EÐA svona hérumbil allt. Skólinn byrjaður, svo það er komin rútína á mannskapinn eftir frí sumarsins. Ósköp þægilegt að sumarið haldi samt áfram, meina að það er heitt um 18 til 24 stiga hiti. Svo er eitt heilræði fyrir þá sem þola illa mýflugnabit og óværuna sem oft leitar á óvana hér úti í útlöndum um ásumarið... Komiði snemma á vorin eða í ágúst í heimsókn. Nú fer í hönd einn fallegasti tími ársins. Þegar laufin fara að skiptalitum og náttúran verður ein litasinfónía. Verið alltaf kærlega velkomin.

Væri gaman að því

2010-08-14T22:15:00.003+03:00

Sumarið heldur áfram með (óbærilegum)hita. Úff sl. daga er búið að vera um 30° hiti og á mæli hjá okkur farið í um 40° hestarnir eru náttúrulega inni á daginn í svona heiðskýru veðri og sterkri sól. Maður sér strax einkenni sólbruna ef þeir eru úti þegar sólin er sterkust. Tenór, klárinn sem ég er með í þjálfun, er dökkjarpu og það nánast sýður á honum í þessum hita. Svo þeir eru inni á daginn og viftan á fullu, þar er svalara og ekki eins brennandi heitt. Og ég get sagt ykkur... þeir eru ekkert æsir út á kvöldin.
Fyrir viku síðan var það litla sem ég heyja, nánast þurt og tilbúið í bindingu... þegar byrjaði að rigna. Á morgun, sunnudag, vona ég að ég ná því upp, en nú er þetta bara þriðjaflokks hey. Þetta hey skiptir ekki sköpum, bara baggar af einum hektara. Kaupi úrvals hey frá vini mínum í Björkö. Það er bara gaman að heyja svolítið sjálfur... SJÁLFUR... hehehehe allt aðkeypt vinna... bara tína inn baggana, voða mikið sjálfur. En stússast í heyinu, lyktin og bara allt, er soddan æði... Ætlaði alltaf að verða bóndi... Loksins, loksins... en bara kotbóndi... hehehehe. Hef látið mér detta í hug að heya þenna bleðil í framtíðinni upp á nýgamlamóðinn... verða mér úti um gamlar græur fyrir hest, sláttuvél, heytætara og rakstravél... væri gaman að því.

Samstarf er alltaf lykillinn.

2010-08-11T19:55:00.003+03:00

Evrópusambandið... af hverju eru svo margir íslendingar á móti því? Undarlegt þegar maður horfir til staðreinda. Íslendingar hafa undirgengist allar reglur og tilskipanir frá EB í gegnum EES og schengen samningana, í mörg ár. Evrópusambandið er ekki land sem ætlar að taka yfir Ísland, lög þess og menningu, hvað þá sjálfstæði. Nei. EB er samstarf þjóð í evrópu um velferð, öryggi og styrkingu menningarlegra sérstöðu landanna. Ef Íslendingar hafna því að vera í þessu samstarfi við Evrópuþjóðir, þíðir það auðvitað að Ísland einangrast. Af hverju? Það er ekki sjálfsagður hlutur að það sé hægt að ferðast um evrópu, frjálst, hvenar og hvar sem er og stopp eins lengi og maður vill. Það er heldur ekki sjálfsagt að atvinnumarkaðir í evrópu séu opnir íslendingum, eins og nú er vegna samninga íslendinga við evrópuþjóðir í gegnum EES samninginn við EB. Og það verður ekki svo ef íslendingar vilja ekki samstarf við evrópulöndin í gegnum EB.

Sitt sýnist hverjum.

Fyrir mér er t.d. dæmið um Grikkland skírast um það að löndin sem standa að EB eru fullkomlega sjálfstæð en hafa undirgengist sameginlegar samvinnureglur til að gera líf okkar skemmtilegra og léttara. Danskir stjórnmálamenn hafa sagt um einstaka reglur EB. "Flott... passar fyrir EB, en hentar ekki í Danmörku", og þeir hafa komist upp með það, vegna þess að þetta er samstarf þjóðu um sátt, menningu og sjálfstæði þjóða í evrópu.

Þess vegna segi ég já um samstarf þjóða í evrópu og inngöngu Íslands í það samstarf.

Flott mót

2010-08-09T09:35:00.002+03:00

Jæja þá erum við Adam og Anna, kominn heim af norræna meistaramótinu í hestaíþróttum. Full af flottum hestum. Norðmenn töluðu um að þetta hefði verið eins og norska meistaramótið, þeir fórum með nánast öll verðlaun... eða þannig. Í fjórgangi fullorðinna voru fjórir norðmenn og einn svíi. Íslendingar komu lítið við sögu enda ekki verið fluttur út hestur í nokkra mánuði. Fengum sýnishorn af ofviðri... bæði storm, hvirfilbyl og evrópuregn sem stóð í 30 mínútur og ofurhita. Fór upp í 37° í óopinberum mælum á staðnum á sunnudeginum. Flott mót og góðir hestar.
Myndin er af Hrynjanda FI1999102002 sem er fæddur í Finnlandi en seldur til Noregs, og Gry Hagelund töltmeistaranum. Rosalega flottur graddi undan Stíganda frá Hvolsvelli og Frigg frá Stykkishólmi.
(ljósmyndari Jaana Ikonen)

Allt getur gerst... hvað sem er getur gerst!

2010-08-03T23:33:00.003+03:00

...og annar í dag. Við Anna Alina fórum núna um Öberget á hestunum. Þar eru fallegir skógarstígar sem ég lofaði henni að við færum um. Allt gekk vel... langleiðina. Hún söng og trallaði, hló og hleypti á sssstökk. Svo missti hún ístaðið og náði ekki að hægja á Sikli því ég var aðeins á undan. Í sömu andrá og ég lít aftur sá ég gullinstjörnuna mína detta af baki... hjartað stoppaði eitt augnablik. Hún steig strax upp ráðvilt og öskraði... sem betur fer mest af geðshræringu. Eftir langt faðmlag og spjall fór hún aftur í hnakkinn og við riðum heim. Svolítið á tölti og hún hleypti að sjálfsögðu en mest fórum við samt á feti eftir biltuna.
Hún fór í heitt bað... en verður örugglega með verki í mjöðminni á morgun.
En nú er hún orðin alvöru reiðkona... búinn að detta og allt!

Fyrsti langi reiðtúrinn.

2010-08-02T21:48:00.003+03:00

Við Anna Alina fórum saman í langan reiðtúr í dag. Hún reið Sikli og var þetta fyrsti langi reiðtúrinn hennar Önnu. Við vorum klukkutíma á hestbaki. Fórum um skógarstíga, fet, tölt, brokk og stökk. Já litla gullinstjarnan hleypti á stökk og þá leið henni vel. Á morgun... sagði hún... skulum við ríða til Vasa eða Solv svo allir geti séð okkur. Heldur þú... pabbi, að þegar ég verð 10 ára... að ég geti farið ein?
Hún ætlar sér og hún gerir... Dugnaðarforkurinn Anna Alina.

Sumarið líður...

2010-08-01T19:27:00.003+03:00

Dagarnir líða og sumarið með. Á morgun mánudaginn 2. ágúst byrjar Petra aftur að vinna. Ég byrja í byrjun september að vinna hjá húsameistara og verð í haust. Reyndar þarf ég að vera tvær vikur í Helsinki í október, þegar við sýnum "Græna landið" í sænskaleikúsinu. Í dag fór fjölskyldan hjólandi til Vasa í ísbúðina. Anna kvarta um þreytu og verki í hægri ristinnu eginlega við liðamótin. Þetta er búið að vera viðvarandi sl. þrjú ár og magnast þegar hún reynir extra á fótinn. Við erum búin að fara með hana í rönken og alles en ekkert finnst að. En það verður að skoða þetta betur.
N.k. laugardag förum við til Ypäjä á norræna meistaramótið í íslandshestaíþróttum. Við krakkarnir förum og ætlum að gista í tjaldi. Það er mikil tilhlökkun hjá A og A að sofa í tjaldi.

Hestakollnís!

2010-07-26T11:10:00.002+03:00

Sikill datt með mig í síðustu viku og fór heilan kollnís. Minnstu munaði að ég lenti undir honum en náði að velta mér frá áður en hann rúllaði á mig. Ótrúlegur máttur sem verndar mig alltaf hreint... Var einu sinni sagt að það væri hann afi minn og nafni. Það er þá nóg að gera hjá honum við að halda kallinum ósködduðum... hehehehe. Sikill hins vega reif á sér nefið þannig að það þurfti að sauma tvö spor. Núna er hann með myndarlegt kónganef sem ég vona að hjaðni með tímanum. Hnén á honum hrufluðust líka en það voru bara húðfliprur. Hnakkurinn rispaðist en brotnaði ekki. Ég er smá marinn og hruflaður og með strengi í vinstri öxlinni... þeirri sömu og þegar ég datt af baki um daginn... þetta er allt svona minniháttar óþægindi.

Dagarnir með Söndru

2010-07-24T22:42:00.003+03:00

Margt hefur drifið á dagana. Sandra kom til okkar og stoppaði í viku. Það var góður tími. Fórum til Nanuq, grænlenska safnið og á æðislega strönd við Jakobstað sem maður trúir ekki að sé til í Finnlandi. Hvers vegna eru menn að fara til miðjarðarhafsins þegar svona paradís er við bæjardyrnar? Fólk þarf alltaf að vera að ferðast svo déskoti mikið að það gleymir að skoða sitt næsta nágrenni. Sandra fór með mér í reiðtúra um Sundom og sá þá suðurfjörðinn og fór um skógastígana. Sandran hefur engu gleymt í hestamennskunni þó það sé langt síðan hún hefur stundað hestamennsku. Allan tímann meðan hún stoppaði var hitabylgja í Vasa 25 til 35 stiga hiti og nóg af stinguflugum... eins og Sandran varð vör við. Maður þarf að vera duglegur að bera á sig fyrirbyggjandi flugnastungukrem.
Við fylgdum svo stelpunni okkar til Stokkhólms. Fórum með Vikingline frá Åbu þar sem fyrst var farið í Mumindalinn. Sandran varð eins og lítið barn í nýjum dótakassa. Enda er ekki annað hægt... Mumindalurinn er svo indislegur. Í Stokkhólmi stoppuðum við einn dag. Komum klukkan sjö um morguninn og fórum með ferjunni um kvöldið aftur til baka. Eyddum deginum í Skansinum. Skoðuðum dýrin og húsin... maður hefur ekki komið til Stokhólms fyrr en búið er að eyða degi –að minnsta kosti– í Skansinum. Gengum síðan um Gamlastan, fengum okkur að borða á góðum veitingastað og síðan um borð í ferjuna og Sandran í flugvél til Osló að hitta Pálínu vinkonu sína.

Æðislegur tími elsku besta Sandra mín... komdu fljótt aftur.

blóm, stígar og krass...

2010-07-08T11:05:00.003+03:00

Auðvitað gerist alltaf eitthvað skemmtilegt, já og líka drama á hverjum degi hjá okkur. Nú er tími útiveru og þá er ekki setið við að blogga. Fótbolti og sund hjá Adam og Önnu, og ekki gleyma HM. Slá allan grasfötinn sem er allt of stór... þarf að gera eitthvað í því. T.d. leggja göngustíga og gera blómabeð og eitthvað svo það þurfi ekki að slá svona mikið á sumrin. Hesarnir svolítið þungir í svona miklum hita. Þannig að reiðtúrarnir eru afslappaði og kannski ekki svo langir.
Maður er í smá sjokki eftir að hafa fengið fréttirnar af henni Sollu minni. Það er alltaf hrikalegt að lenda í bílslysi. Jafnvel þó meiðslin séu minniháttar þá er það sálin sem verður oftast fyrir mesta sjokkinu. Og Haffi kallinn kominn yfir þrítugt og þarf að passa sig á hjólunum, brekkunum og holunum... eins og dæminn sanna nú þegar kallinn liggur brotinn eftir eina biltuna. Elsku bestu mín vona að þið jafnið ykkur fljótt og vel.

Næs veður...

2010-07-06T10:15:00.002+03:00

Hitabylgjan heldur áfram. Nú er 27° og spáir allt að 30° næstu daga. Þetta er nú svolítið heitt. Maður er svona á mörkunum að steikjast lifandi. Þetta hefur þó sína kosti. S.l. viku og þessa eru Adam og Anna í sundkennslu á ströndinni í Molpa. Sjórinn heitur og heitt að stíga upp úr honum... NÆS. En þegar það er svona heitt eru reiðtúrarnir frekar stuttir og heitustu dagana bara létt lónsering. Er enþá að leita að þægum góðum hestum fyrir konu sem er að byrja með íslenska hesta hérna í austurbotni. Væri gott að heyra ef þið vitið um svona hesta... mætti gjarnan vera einn skjóttur.
Bara vika í að Sandra komi til okkar þann 13. júlí.

Íþróttir... er lífið... eða hvað?

2010-07-01T15:31:00.005+03:00

Vasa cup í fótbolta, byrjar í dag með heljarins skrúðgöngu í gegnum bæinn. Liðið hennar Önnu keppir svo að helgin er þétt bókuð. Adams lið er hins vega ekki með. Þannig að það er léttara fyrir hann. Spilað um allt í Vasa. T.d. er búið að leggja gerfigras á torgið þar sem verður leikið.
Annars erum krakkarnir búin að vera í sundkennslu alla vikuna og verða þá næstu líka. Förum á hverjum morgni til Molpestrandarinnar þar sem kennslan fer fram. Búið að vera heitt og notalegt alla vikuna og spáir 25 til 28 stiga hita um helgina... næstum um of.

Þrjátíu ár síðan síðast

2010-06-27T21:10:00.003+03:00

Kallinn, kallinn... datt af hestbaki í dag, úff... Var að leggja af stað frá húsinu á Tenór... hesti sem ég er með í endurþjálfun... hesturinn var kominn í stresskeng, hræddur við allt og alla, þegar hann kom. tveir nýbúnir að detta af baki og allt í steik. Búinn að vera með hann í mánuð og allt gengið að óskum. Klárinn farinn að treysta mér fullkomlega, reindar svo að han hefur elt mig eins og hundur um gerið. En í dag gerðist það að þegar við riðum frá húsinu eftir stíg þar sem er komið mittishátt gras og illgresi á báðar hendur, skaust héri allt í einu inn á stíginn og undir klárinn. Það var eins og við manninn mælt... loftköst og stungur... og kallinn vissi ekki fyrr en hann "hissa" lá á jörðinni. Hafði ekki góðan ballans eftir að ég reyf vinstri lærvöðvann fyrir nokkrum vikum, hann sveik mig núna. Eftir biltuna er ég svolítið stífur í öxlunum en annars bara fínn... "þetta lagast". Ég hef ekki oft flogið af baki. Líklega um 30 ár síðan það gerðist síðast, þetta heldur manni bara ungum. Saunan bjargar þessum stífleika í öxlunum... vona ég. Verra með hestinn, ég var á þriðja tíma að ná honum niður eftir sjokkið sem hann fékk. Byrjuðum inni í stýju svo í gerðið síðan í langan reiðtúr og loks unnum við í gerðinu þar til hann var alveg orðinn afslappaður, en þetta tók verulega á hann.
Allt getur gerst í skóginum, gott að þetta var ekki elgur sem ruddist inn á stíginn, já eða refur, villisvín, morhundur eða bambi. Minni líkur á að það hefði komið björn eða úlfur en þó alls ekki útilokað.
Svona er lífið í Sundom í dag.

Askur

2010-06-21T23:49:00.006+03:00

Þetta er nýjasti fjölskyldumeðlimurinn. Af ætt finnskra lapplandshunda í móðurætt og pabbinn er blanda af síberianhösky og dalmanti. Hvolpurinn er 7 vikna gamall og hefur fengið nafnið Sá... nei, bara grín "Askur". Askur og Embla voru fyrstu manneskjurnar í heimi norrænu goðafræðinnar... Adam og Eva hjá kristnum.

Pabbi og Dóra komu fyrir viku og það er búið að vera indislegt að hafa þau hérna hjá sér. Pabbi hjálpaði mér við að mála gerðið og í hjáverkum smíðaði ég sólpall við húsið.

Við fórum á safn í Jakobsstað sem heitir "Nanuq", já allso grænlenskt safn. Þetta eru ekki bara einhverjir munir, nei þarna er búið að byggja upp grænlenskt safn með húsum og einstökum munum úr sögu Grænlands. Algerlega frábært menningarframtak eins manns... Pentti Kronqvist sem er sérstakur áhgamaður um Grænland og heimskautin. Til Jakobstað í safnið Nanuq... sem þýðir ísbjörn á grænlensku... förum við alveg pottþétt með Söndru þegar hún kemur í júlí.

Hún mamma er snilli.

2010-06-10T23:38:00.004+03:00

Hún mamma mín á afmæli í dag. Hún er á besta aldri eins og sést á hve dugleg hún er á fésbókinni. Ekki er ég búinn að skrá mig þangað og taka þátt í því fjölþjóðlega netsamkomukerfi sem þar er að tröllríða heiminum. Mamma er ákaflega listræn kona. Hún fór í húsmæðraskólann að Varmalandi og lærði þar undirstöðuna fyrir lífið. Mörgum árum seinna fór Sandran mín sömu leið, í húsmæðraskólann í Reykjavík. Þessir skólar heita örugglega eitthvað annað í dag... örugglega "rekstrar..." eitthvað. Þar lærði hún mamma mín örugglega margt... og þar varð ég til! Og átti að verða 20 ára afmælisgjöfin hennar, en eitthvað brást starfræðin... eða að ég var aðeins of ör og of fljótur á mér... sem stundum hefur komið fyrir... og sem sagt kom í heiminn viku fyrir afmælið hennar mömmu. Á Varmalandi lærði mamma líka að skreyta veisluborð og það gera fáir betur en hún. Jólaborðið hennar mömmu er einstakt... og hvað sem þið segið þá skreytir engin mamma eins og mamma... þannig er það... og hana nú!
Eitt sinn þegar við bræður vorum ögn yngri en við erum nú, biðum við spenntir eftir að vera kallaðir að jólaborðinu. Inn í eldhús fengum við ekki að koma fyrr en klukkan sló sex. Þá stormaði líka gleðisveitin að borðinu sem var hlaðin góðgæti og skreytt að hætti mömmu. Finnur... eða var það Krissi??? man það ekki alveg... en það skiptir heldur ekki máli hvor þeirra þetta vara... þeir eru báðir svona... sérstakir... eða þannig. En sem sagt annar þeirra snar stoppar þegar hann sá skreytt veisluborðið og varð alveg miður sín... Síðan stamaði hann með lélegu err hljóði... "Hvað engin súlmjólk...?
Elsku mamma til hamingju með daginn... hann el alltaf þinn bala þinn.

Þegiðu nú Búkolla

2010-06-08T16:08:00.003+03:00

Margt er skrítið í hausnum á Búkollu. Einn mesti siðleysingi landsins hefur blað til að segja hvað sem hann vill. Forsetisráðherra er vænd um að hafa sett ráðningu seðlabankastjóra á svið... sem hún neitar alfarið. Hvernig dettur krullagrís í hug að gapa um þetta mál?

Það er gott að gagnrýna störf ráðherra,

það er gott að þriðja aflið (fjölmiðlar) veiti aðhald,

það er gott að fólk hafi skoðanir...

en fíflið í fílabeinsturninum á að þegja og það er vont að hann skuli ekki vera lokaður inn fyrir allt sem hann hefur leitt af sér og það er líka vont að "sérstaki" skuli ekki finnast ástæða til þess.

Áttu þægan töltara?

2010-06-06T22:04:00.002+03:00

Afmælishelgi í sól og sælu í Sundom á enda. Þakka öllum sem hafa send kveðjur og pakka til okkar. Í gær var dvd kvöld hjá okkur. Horfðum á Bjarnfreðarson sem við fengum frá Söndru, Sollu og Haffa. Svo var pakkinn fullur af íslensku nammi og harðfiski. Flott mynd gott nammi og næs með fjölskyldunni. Krakkarnir komnir í sumarfrí svo nú fara þau á hestbakk á hverjum degi. Frjálsíþróttaskóli á morgnana og hestbak eftir hádegi.
Í vikunni vona ég að ég komist i að byggja veröndina sem ég ætlaði að vera búinn að smíða fyrir löngu. Þarf að fara að klára hana.

Er að leita að þremur góðum fjölskylduhestum, fyrir óvön börn. Alþægum, tölturum fyrir reiðskóla sem er að byrja í Närpes. Þarf að fá hestana til Finnlands í ágúst. Sendiði mér endilega upplýsingar á stefan.sturla@netikka.fi ef þið vitið um svona hesta. Ekki sofandi leti-eltihesta og enga leynda kvumpni.

Dagur fjölskyldunnar

2010-06-04T22:42:00.003+03:00

Indislegur dagur, þessi 4. júní. Þá fæddist mín heitt elskaða Petra. Það gerðist langt í burtu frá Íslandi, handan við höf og fjöll í landi Kalevala, landinu sem eignaði sér jólasveininn. Petra gerði það líka og flutti hann með sér til Finnlands... þessi elska. Ég mundi fylgja henni allt til enda verldar og til baka aftur. Ég átti nú reyndar heima við enda veraldar og þangað fylgdi hún mér, svo þessi ferð hefur verið stutt, létt og spennandi. En dagurinn er ekki bara stór vegna þess að við Petra nálgumst hratt stóra daginn þegar við fyllum 100 árin sameginlega... nei ekki bara þess vegna, heldur vegna þess að okkar kæra Sólveig lauk námi við Iðnskólan í dag, hún bauð í veislu sem stórasystir Sandra, hjálpaði henni með. Svo liggur leiðin til Barcelóna í haust, í framhaldsnám í fatahönnun.

Óóóó ég er að rifna af stolti. Stelpurnar mínar... hafa gert mig svó óskaplega stoltan. Svo eru það Adam minn og mín litla Anna sem mættu í síðasta skóladagin í dag. Á morgun er svo skólaslit hjá þeim.
4. júní er dagur fjölskyldunnar.

Vinnu-að-ferð

2010-05-30T11:06:00.003+03:00

Í dag sunnudag keyri ég til Borgå með leikmyndina fyrir Græna landið. Sýningar þar 1. 2. og 3. júní. Kem svo aftur til Sundom þann 4. júní. Sýningarnar uppselda svo það er gaman að þessu... hehehehe. Eftir fyrstu sýninguna í Borgå verður móttaka á vegum sendiráðsins í tilefni þess að Elín sendiherra er í heimsókn í Borgå. Á fimmtudagin ætla ég í heimsókn til Gutta Ármannssonar hestamanns frá Egilsstöðum sem býr norður frá Helsinki. Við ætlum svo að visitera nokkur íslandshestabúgarða.

Til hamingju íslendingar með kosningarnar. Verð samt að viðurkenna að þið sem enþá kjósið Sjálfstæðisflokkinn eruð föst í lélegasta bandara ever... skil ekki hvaða þorpsfíflaháttur það eiginlega er. Og það eru enþá hópar af fólki sem kjósa Framsóknarflokkinn. Hvaða fíflaDJÓK er þetta eiginlega? Fattar fólk ekki að það færi það kerfislið í stjórn sem það kýs...?
Hópar á Akureyri og Reykjavík eru rátt fyrir allt hugaðir og kjósa nýtt fólk til að byggja upp nýtt hugarfar og nýjar vinnuaðferðir.

Sælll... djók!

2010-05-28T19:29:00.003+03:00

Djók... sem virkar. Þannig lít ég á framboð JG. Pönsið sem svo margir bíða eftir er... borgarstjórastóllinn. Hvað er findnara en það? En hver segir að góður brandari geti ekki síðan orðið eitthvað allt annað. Til að geta skemmt fólki og setja saman hugsanir í handrit, þarf virkann haus og hugmyndir. Hver efast um að JG hafi þær.

Bláum sjálftökumönnum vil ég líkja við sjóræningja og kjósendum þeirra líki ég við háseta á fúadallinum. Flokkurinn er og verður ekkert annað en ...sjóræningjaflokkur...
Samfylkingin er ekki að gera neitt... og fellur í þá gryfju að láta kerfið stjórna í staðin fyrir að stokka það upp. Kerfin eru stjónmálamannanna verk.
Vinstri grænir eru búnir að sýna á sér hlið ósamlindis og óheilindis hvert gegn öðru... getur maður treyst svoleiðis fólki?
Framsóknarmenn eru bullur áhugaleysis, dómgreindaleysis og siðleysis. Flokkurinn er svo gegnum rotinn að sjálfur Sjálfstæðisflokkurinn verður fölblár í samanburði.

Þetta er allt eitt djók... Þess vegna treysti ég besta grínaranum fyrir djókinu.

Til hamingju Reykjavík

2010-05-27T12:35:00.004+03:00

Besti flokkurinn er sannarlega flokkur fólksins. Nýtt afl. Hvort er betra að segja mikið og efna lítið eða segja lítið og efna mikið? Besti flokkurinn er hugsjón um að eitthvað geti breyst um að nýjar ÁHERSLUR geti átt sér stað. Þetta afl er tvímælalaust það besta sem hent hefur í Reykjavík lengi, lengi, lengi. Og mun breyta miklu. Nú reynir á að þeir sem virkilega vilja breytingar sýni það í kjörklefanum á laugardaginn. Ég þekki Jón Gnarr lítilega og veit að þar fer mikill fagmaður, andans maður og mikill réttlætissinni. Fáum treysti ég betur til að taka ákvarðanir sem koma þeim sem hallar á í borginni, betur en Jóni Gnarr. Hann er ekki sérfræðingur á öllum sviðum og veit það. Hann mun því vinna með góðum og öflugum ráðgjöfum, ráðgjöfum réttlætis og sanngirnis. Ekki ráðgjöfum gamallarflokkselítu eða hagsmunasamtaka frjálshyggju og peningavalds.

Lærlingur

2010-05-24T12:13:00.003+03:00

Adam kominn heim frá íþróttahátíðini í Helsinki. Gekk mjög vel hjá þeim komust í milliriðla. Náttúrulega frábært að fara svona einn í ferðalag með gæunum í skólanum. Þarna eru krakkar frá 9 ári til 19 ára. Svo þau kynnast sænskumælandi krökkum frá öllu landinu. Næsta ár verður þessi hátíð 50 ára. Þá ætla ég að fá að koma með og upplifa þessa gleði og orku.
Ég var með reiðnámskeið um helgina. Fullbókað og allir ánægðir. Fór svo sjálfur á bak hesti sem ekki hefur verið riðinn á stökki í mörg ár, því eigandir þorir ekki að ríða hratt. Klárinn lagstur í lull og var hættur að brokka. Við unnum í að losa um brokkið. En stökkva vildi klárinn ekki. Eftir að námskeiðinu lauk fór ég sem sagt á bak og ætlaði að fá hann til að stökkva. Klárinn algerlega jafnvægislaus og þegar ég loks fékk hann til að losa sig úr tvítaktahreifingunni klikkaði vinstri lærvöðvinn minn. Það munaði engu að ég hrindi af baki, tapaði öllu jafnvægi smá stund.
Svo nú er ég með rifinn/sáran lærvöðva sem þarf smá kvíld til að gróa. Klaufi... verst samt að vita ekki hver klaufagangurinn var!

Allt í gangi maður...

2010-05-20T11:35:00.003+03:00

Já, já, ég veit það líður stundum langt á milli blogga. Það er bara svo gott veður hér í Finnlandi. Sumarið kom fyrir 10 dögum og síðan er búið að vera 20 til 27 stiga hiti. Aðeins svalar á næturnar. Þannig að maður er ekki mikið við tölvuna. Hins vegar fullt af fréttum.
Um helgina tekur Adam þátt í "Staffetkarnevalinu..." þetta er hátíð allar grunnskólakrakka í Finnlandi. Fleiri þúsund börn hittast og keppa í allskonar leikjum í Helsinki. Adam var valin í lið í sínum skóla. Adam fer með rútu kl 0600á morgun föstudag. Svefnpoki, loftdýna, psp og alles... fyrsta langferðin einn. Prinsinn að verða 11 ára... úff hvað tíminn flýgur. Anna prinsessa fékk bit eftir "festing" í höfuðið fyrir viku þegar hún fór með skólanum sínum í víðavangshlaup í Öberget. Í kjölfarið fékk hún mikinn hita og er búin að vera á pensilínkúr síðan til öryggis. Svona bit geta verið hættuleg.
Þegar það er svona heitt hef ég hestana inni yfir hádaginn og úti á næturnar. Það er svolítið svalara inni fyrir þá og ekki fluga að angra. Ég verð með reiðnámskeið um helgina, svo ég kemst ekki með prinsinum á íþróttahátíðina. Fer hins vegar til Borgå þann 29. maí og verð til 4. júní. Við munum sýna Græna landið í leikhúsinu í Borgå. Svo hefur sýningin verið valin sem sýning Wasa teater á Hangö leiklistarhátíðina 10. til 13. júní.
Þann 15. júní koma síðan pabbi og Dóra til Finnlands. Þá verður fjör.

Góðar móttökur

2010-05-13T20:07:00.004+03:00

Kominn heim til Sundom eftir góða ferð á leikhúshátíð í Åbo með Græna landið. Við fengum frábærar viðtökur og mikið látið með sýninguna. Næsta stopp er í Borgå fyrstu dagana í júní. Þá sýnum við þrisvar í nýju leikrými í Borgå. Þetta verður jafnframt fyrstu sýningar okkar... leikhópsins Loka, sem hefur tekið yfir framvæmd á sýningunni, með samstarfssamningi við Wasa teater. Nú erum við að skoða möguleika á að sýna í Helsinki í haust og fara eftir það til Åbo og sýna þar í sænska leikhúsinu. Í loka ágúst verðum við með fjórar sýningar í Stokkhólmi á vegum finnska og íslenska sendiráðanna. Sýnum að öllum líkindum í Teater Pero. Fólk virðst vera það hrifið af sýningunni að nú reinir kanski fyrst og fremst á samningahæfileika hópsins.

ÅST region teaterdagar

2010-05-10T08:05:00.003+03:00

Fer til Åbo í dag á ÅST region teaterdagarna. Þetta er listahátíð landsbyggðaleikhúsanna í Finnlandi, sem haldin er árlega. Nú varð Græna landið fyrir valinu sem sýning Wasa teater. Verðum þarna til fimmtudags. Sýning á Græna landinu þriðjudaginn 11. maí.

Fonsi litli bró er að verða fullorðinn. Nálgast það óðfluga eins og óðfluga í dag, þar sem hann skýtur niður fugla á pari í USandEi.
Til hamingju með daginn kallinn minn.

We ask for cash and give them ash.

2010-05-08T10:15:00.005+03:00

Árni, hvernig væri að dusta öskuna af gömlu hugmyndinni okkar og selja hraunmola í ösku ofan í plexíglersöskju af eftirmynd Öskju? Ég veit að það eru einhverjir byrjaðir að selja ösku í póstverslun. Þeir eru allt of dýrir og þungir. Nú er bara að ráðast á markaðinn og ath hvort ekki sé hægt að gera samning við flugfélögin um gömlu góðu öskjuna þína og setja hraunmola í hana. Er þetta ekki markaðshugmynd Evrópu í ár?

Skráðu kvöldi 19. maí í Íslensku Óperuna

2010-05-07T10:40:00.003+03:00

Frá því á sunnudaginn hefur Guðni Franzson verið í Vasa að undirbúa sinfóníuhljómsveit Vasa fyrir tónleika sem hann stjórnaði í gærkvöldi, 7. maí og verða endurteknir í Íslensku Óperunni 19. maí. Gærkvöldið var undanfari þess að hlómsveitin kemur á listahátíð í Reykjavík. Á tónleikunum söng Jorma Uotinen nokkur lög sem eru útsett af Petri Ikkelä. Útsetningarnar voru frábærar og Jorma, sem betur er þekktur sem listdansari – stjórnaði m.a. dansinum í "Baldri" hinni frábæru uppsetningu í Laugardalshöllinni þegar Reykjavík var menningahöfuðborg, já Jorma gerði þetta eftirminnilega flott og skemmtilega. Hvett alla til að fara í Íslensku Óperuna þann 19. maí. Enginn ég lofa ENGIN verður svikinn af því.

Teater Loki

2010-05-03T21:42:00.003+03:00

Í tilefni dagsins, vakri hefði orðið 74 ára í dag 3. maí.
S.l. fimmtudag var síðasta sýning á Græna landinu í Wasa teater. En sýningum er ekki lokið. Græna landið hefur verið valið til að fara sem sýning Wasa teater á Åst region teaterdagana í Paragas. Sýnum þar þann 11. maí. Síðan hefur sýningin verið valin á leiklistahátíðina Hangö teatertreff, munum væntanlega sýna þar þann 11. júní... En sagan er ekki öll. Ég ásamt leikurum sýningarinnar náðum samkomulagi við leikhúsið um að fá að halda áfram með sýninguna á okkar kostnað og ábyrgð. Við þurfum ekki að greiða fyrir afnot af uppsetningunni enda er þetta samstarfssamningur, einskonar framlenging á leikferð sem við berum kostnað af. Við höfum stofna um þetta verkefni leikhópinn "Teater Loki". Fyrstu sýningar okkar verða í Borgå 1. 2. og 3. júni. Síðan erum við að vinna í að komast inn í leikhús í Helsinki og sýna þar í ágúst og september. Við munum að öllum líkindum sýna í teater Pero í Stokkhólmi 22. 23. og 24. ágúst. Lengra erum við ekki komin með skipulagið, enda samningurinn glóandi heitur. Erum þó að vinna í að ná samstarfsamningi við leikhús í Svíþjóð til að fara í leikferð þangað næsta haust...
Góð frétt á fæðingadegi Jóa vakra.

Núttúru vinir

2010-05-01T13:15:00.005+03:00

Sikill hefur eignast vini í náttúrunni. Daglega koma þessar krákur og fara í reiðtúr með Sikli. Þetta eru tvö pör sem eru að safna einangrun í hreiður sín. Algerlega frábært að fylgjast með þessu. Fuglarnir kroppa lausu vetrarhárin úr feldi Sikils og hann er bara ánægður með þetta.

Að glíma við bók

2010-04-26T11:46:00.004+03:00

Ég er að glíma við bók. Saga sem ég er búin að ganga með lengi, í mörg ár. Kannski tíu, kannski tuttugu, kannski alla ævi... ég veit það ekki. Gamli sjómaðurinn í skúrnum sínu og ungi drengurinn ræða málin. Þetta er upprifjun drengsins...
Mig langar til að deila með ykkur stuttu niðurlagi úr einum kaflanum:

Nú andar suðrið sæla vindum þýðum.
Á sjónum allar bárur smáar rísa
og flykkjast heim að fögru landi ísa,
að fósturjarðar minnar strönd og hlíðum.

Ó, heilsið öllum heima rómi blíðum
um hæð og sund í drottins ást og friði.
Kyssið þið, bárur, bát á fiskimiði.
Blásið þið, vindar, hlýtt á kinnum fríðum.

Vorboðinn ljúfi, fuglinn trúr, sem fer
með fjaðrabliki háa vegaleysu
í sumardal að kveða kvæðin þín!
Heilsaðu einkum, ef að fyrir ber
engil með húfu og rauðan skúf, í peysu.
Þröstur minn góður, það er stúlkan mín.

– Þetta samdi Jóns Hallgrímsson, veistu hver hann er?
Adam verður hugsi, tálgar og lítur svo á Ægir.
– Neeei... hann á minnstakosti ekki heima í mínu húsi.
– Jónas var skáld... mikilmenni, en hann dó... ungur. Löngu áður en ég fæddist.
– Var eitthvað til þá?
– Já, já kunningi. Jónas Hallgrímsson var jafn gamall afa mínum.
– Átt þú afa?
– Já.
– Ég á líka afa.
– Afi minn er dáinn fyrir löngu síðan.
– Ekki minn, hann heitir Adam eins og ég.
Það má merkja stolt í röddinni. Stolt yfir að afinn skuli heita sama nafni og hann. Ægir brosir, já afinn heitir eins og Adam. Sögurnar sem eru sagðar hlaðast inn og geymast, þar til minningarnar kalla þær fram aftur.
– Eitt sinn seint um kvöld, þegar Jónas gekk upp stigann heima hjá sér rann hann til og datt. Hægri fóturinn brotnaði en Jónas komst inn til sín. Um morguninn lét hann flytja sig í Friðriksspítala. Þar var fóturinn skoðaður, og stóðu beinin út úr sárinu. Læknarnir löguðu brotið og bundu um sárið, en Jónas lá grafkyrr og las í bók á meðan. Fjórum kvöldum seinna, þegar yfirlæknirinn skoðaði fótinn á Jónasi, sagði hann við aðstoðarmenn sína, ”tækin verða að bíta í fyrramálið, við þurfum að taka af lim”.
– Af hverju þurfti að taka af lim?
– Læknirinn sá, að drep var komið í fótinn. Jónas vakti alla nóttina og las skemmtisögur. Um morguninn bað hann um te og drakk það, síðan dó hann. Rétt áður en taka átti af honum fótinn.
– Mamma segir að ég eigi aldrei að hlaupa í stiganum.

Við borgum ekki, við borgum ekki!

2010-04-21T21:05:00.011+03:00

Nokkrir víkingar ganga um og fá lánað fyrir gullklæðum sem þeir eru að láta vefa, meðan þeir stela úr rassvösum almúgans og selja þeim bíla, hús og allt... á langtímalánum greitt með kredikorti og tryggt í gulli keisarana frá Nóver. Hinn venjulegi landi er svo bláeygður að trúa á þessa hálv...guði, og tilbiður þá. Allir reyna að taka þátt í að vefa gullklæðin sem enginn hefur séð... Víkingarnir eyða sparifé landa sinna og tæma gullkistur hundanna þriggja sem þeir fá fyrir að vökva réttlætistré nornarinnar Daníð, sem les nornasálma í kórónu réttlætistrésins. Þegar kyssturnar þrjár undan hundunum, Frelsi sem er með lítil augu eins og sannleikur, Von sem er með stór augu eins og ágirnd og Græðgi sem er með risa augu eins og afneitun, hafa verið tæmdar, fara hundarnir af stað og til að fylla kisturnar aftur. Og nornin Daníð er hætt að lesa sálma í rettlætistrénu og byrjuð að skrifa þá fyrir dómarana sem eiga að dæma réttlætið af sanngirni. Þjófarnir eru dæmdir eftir reglunni allir eru jafnir... en sumir eru misjafnir... og fá að halda áfram að stjórna vaxtarsprotum réttlætistrésins. Hálvitinn sem gólar að það séu engin gullklæði til og að réttlætinu sé misskipt, er dæmdur í 16 ára fangelsi fyrir yfirgang, lygi og læti. Ráðherrar ríkisins sem áttu að passa þjóðina... en sátu bara og boruðu í nefið meðan gráðugir víkingarnir settu landann í gapastokk... fá tveggja ára fangelsi fyrir heimsku. En sleppa ef þeir láta nornina Daníð í friði þar sem hún situr og spinnur sinn vef í réttlætistrénu. Þá öskrar landið og spúir eldi og eimyrju yfir heiminn uns nornin Daníð og allt hennar hiski brennur í gígnum siðferði.

Er þetta farsi eftir Dario Fo?

Laun ekki greindarvísitölutengd.

2010-04-20T09:54:00.004+03:00

Haft er eftir Sigurði Einarssyni fyrrum stjórnarformanni Kaupþingbanka í skýrslutöku hjá nefndinni að ef menn hefðu talið að bankarnir væru of stórir þá hefðu menn átt að segja það; „Þá áttu menn að kalla mig sem stjórnarformann, eða stjórn bankans inn á teppi í ráðuneytinu eða í Seðlabankanum og segja: "Þið eruð orðnir of stórir, þið verðið að gera eitthvað í þessu." Og þá hefðum við gert eitthvað í þessu (...). En það var ekki eitt orð um þetta hvorki frá Seðlabanka, eftirliti eða ráðuneyti. (...) svona eftir á að hyggja, þá áttum við auðvitað að vera búin að koma þessum banka úr landi,“ sagði Sigurður.

Í athugasemd við grein um þetta á visir.is skrifar Árni Þór Hlynsson; þú ert með 70 hagfræðinga í vinnu hjá bankanum, heila greiningadeild til að lesa í hagtölur og ætlar að bera því við að eftirlitsstofnanir hafi ekki sagt þér frá því að efnahagskerfið réði ekki við að bakka þig upp. Ljóst má vera að laun þín hafa ekki verið greindarvísitölutengd!
Hættu að bulla og viðurkenndu mistök þín. Komdu hreint fram, segðu sannleikann og vertu ögn meiri maður fyrir vikið.

Eko...logist

2010-04-17T20:01:00.002+03:00

Hér eins og annarstaðar snýst allt um ösku frá Eyjafjallajökli. Allir þekkja einhvern sem er strandglópur einhversstaðar í heiminu. Þetta snýst sem sagt um ferðamenn um allan heiminn. Bílaleigur og lestakerfin græða á tá og fingri. Leigubílstjórar eru að keyra fólk í sólahringa til síns heima um þvera og endilanga evrópu. Frétt í Aftobladet segir að kona ein borgaði 38,000 sænskar krónur fyrir far heim með leigubíl. Þetta er um 672,600 ísl krónur. Hún er dýr heimferðin um þessar mundir. Ég var hins vegar að koma tómata– og gúrkufræum í mold í dag. Stakk líka upp beðin bæði í gróðurhúsinu og úti, og blandaði hrossaskít í þau. Sái kartöflum og radísum og allskona... í maí. Er að spá í að fá mér nokkrar kindur. Vera með sjálfþurftarbúskap. Ekologíst og skemmtilegt. Kanski hænur líka...

Tímahlaup.

2010-04-16T09:35:00.003+03:00

Enginn velkist í vafa um að áhrifin af eldgosinu frá Eyjafjallajökli eru gríðarleg. Flugvellir sem afgreiða allt að 180 þúsind manns á dag eru lokaðir... öll lofthelgi skandinavíu er lokuð. Ísland skýtur fólki í evrópu aftur um hundrað ár... hvað varða ferðamöguleika. Það sama og bretar og hollendingar eru að reyna að gera íslendingum, fjárhagslega. Þetta eldgos kemur við okkur öll á einn eða annan hátt. Petra átti að vera í Svíþjóð í dag og á morgun með fyrirlestra. Auðvitað er hægt að fara með bát, en það tekur nú bara sólahringinn að komast frá Vasa til Gautaborgar... sjóleiðinaog með lestum, sem er hin þægilegasta ferð. En það var full seint að leggja af stað í gærkvöldi. Hins vegar var stóri bró stoltur að sjá að Krissi var með aðalfréttina á sænska ríkissjónvarpinu í gærkvöldi, nefnilega flugstoppið.
Þrátt fyrir að fólk geti ekki ferðast um háloftin milli landa eða borga, heldur lífið áfram sinn vana gang fyrir flesta. Gleymum því ekki að flug er tilbúin þörf eins og svo margt í okkar samfélagi þá miðast flug við að komast sem lengst á sem skemmstum tíma. Áður fór fólk bara sjóleiðina og naut þess. Fátt ef nokkuð í okkar samfélagi mengar eins mikið og flugvélar. Nú er tækifæri til að endurskoða ferðavenjur okkar. Ég mæli með skipaferðum. Hættum að keppa við tímann. Það gengur ekki því hann sigrar alltaf, tíminn er, sama hvað vð reynum að berja á honum. Hvernig væri heldur að njóta hans.
Það gerðum við með Önnu í gærkvöldi. Söngleikurinn "Blommor och skratt" eða Blómin og hlátur, var sýndur fyrir foreldra, systkyni og aðra ættingja í skólanum hennar í gær. Og í einu orði þetta var "ÆÐI".

Borgiði... annars!

2010-04-15T10:10:00.003+03:00

Það er mikið rætt um eldgosið í Eyjafjallajökli á norðurlöndum. Enda mikið í húfi. Af fréttum að dæma er þetta að minnstakosti 20 sinnum meira gos en "túrhestagosið" á Fimmvörðuhálsi. Nú er hætta á ferðum og alvara málsins er mikil. Það skynja norðmenn og svíar, því flug til norðurhéraða þessara landa liggur niðri vegna ösku frá eldgosinu á Íslandi. Ég talaði við Bogga Garðarsson í morgun. Hann var í sambandi við leikhúsframleiðanda í Helsinki um Græna landið. Þar barst á tal, að sjálfsögðu, eldgosið. Boggi sagði að það sem rætt hefði verið um var að hættan á að flug til norðurlanda lokaðist væri raunveruleg. Þá sagði Boggi. "Íslendingar eru öflugir, þið trúið ekki að við getum stjórnað heiminum. Ef þið borgið ekki það sem þið lofuðuð til að efla hagkerfið, þá lokum við flugi til Evrópu, landvættirnir eru með okkur".

Söngleikarinn Anna

2010-04-14T12:31:00.002+03:00

Undanfarnar vikur hefur verið æft stýft í skólanum hennar Önnu. Já nú er það söngleikur sem yngstubekkirnir standa að. Anna var ákveðin í að fá hlutverk, hafði augastað á einu ekki bara vera í kórnum... Með því að tala við kennarann og segja frá því að hún vildi hlutverk og eitt ákveðið sem hún hafði augastað á, var það hennar. Þar syngur hún nokkrar línur ein... og mikið með öðrum... eins og hún útskírir fyrir mér. Þau æfa einu sinni til tvisvar í viku undir stjórn kennara og kirkjukórsstjórans. Sýningin er á morgun 15. apríl klukkan 19:00. Í gær fóru Petra og Anna í búðir og keyptu fallegan rósóttan kjól fyrir hlutverkið, sem verður síðan sumarkjóll. Já vorið... vorið... er komið yndislegt og heitt. Í gær og fyrradag var yfir 15° hiti. Dagurinn í dag ætlar að verða svipaður.

Flottir strákar.

2010-04-13T10:08:00.003+03:00

Hæfileikakeppni var haldin fyrir nemendur æfingaskóla kennaraháskólans hér í Vasa. Þar eru nemendur til fjórtán ára aldurs, Adam Thor er einn af þeim. Hann og frændi hans Johannes, báðir miklir Michael Jackson aðdáendur, hafa lagt mikið á sig til að ná góðum tökum á danssporum meistarans. Þeir frændur ákváðu að taka þátt í hæfileikakeppninni. Fara þangað með dansnúmer... þarf varla að taka fram hvaða! Þeir æfðu grimmt síðustu dagana fyrir keppnina. Yfir fjörtíu atriði voru skráð og aðeins tólf valin áfram. Ég hafði það á tilfinningunni að þeim fannst bara sjálfsagt og eðlilegt að þeir kæmust áfram. Sjálfstraustið í lagi þar. Enda fór það svo, þeir eru komnir áfram í lokakeppnina sem fram fer í kringum skólaslitin í maí. Flottir strákar.

Ég skil ekki...

2010-04-12T11:15:00.003+03:00

Skil ekki framtaksleysi dómstóla á Íslandi.
Skil ekki að réttur stórþjófa sé meiri en smáþjófa.
Skil ekki að það sé erfitt að festa vexti, festa höfuðstól skulda, að hætta með "löglegan" vísitöluþjófnað á skuldir heimilanna.
Nokkrir einstaklingar rændu ríkiskassan, bankana. Nú ræna bankarnir fjölskyldur landsins. Hver er munurinn? Ætti ekki að rannsaka og loka inni stjórnendur bankanna? Og þá ekki síður þá sem stjórna þvi sem menn kalla "uppbyggingu" hagkerfisins. Uppbyggingin hefur virkað á mig sem endalok fjölskyldnanna.
Þegar brennuvargar eru á ferð og ætla sér sjálfir að slökkva eldinn á að loka þá inni áður en þeir gera meira illt af sér. Þetta er "Simbóliskt" dæmi um slíkt.

Seldur...

2010-04-10T19:04:00.004+03:00

Setti bátinn á sölulista á netinu á þriðjudagskvöld. Eftir hálftíma voru tveir búnir að hringja. Fleiri sendu mall og sms. Á fimmtudag mættu svo tveir þeir fyrstu að skoða og vildu báðir kaupa... Rais Sport eða Raisa eins og við kölluðum bátinn er seldur og farinn. Nú verður það bara hestasport og mótorhjól á þessu heimili. Tókum fram motorhjólið, þrifum það og stilltum í dag svo hefur Adam verið að bruna á því hér í nágrenninu. Erum að spá í að kíkja á krossbrautina á morgun... Veit að Adam væri til í að bruna um fjöll og fyrnindi á Íslandi með Haffa.

Og svo fóru þeir að skjóta...

2010-04-09T12:38:00.000+03:00

Veruleikafyrtir menn...

Draumráðning tak...

2010-04-09T09:07:00.008+03:00

Undarlegur draumur sem mig dreymdi nýlega.
Þannig var að mér þótt sem ég væri uppá Vatnskarði í Skagafirði, við Valagerði. Handan við ánna við brúna og afleggjarann að Valadal, var búið að reis myndarlega byggð sem ég var ekki viss um hvort væru íbúðarhús eða iðnaðarhús. Lengra inn með afleggjaranum inn í Valadal var bygging. Þótti mér sem Biggi í Valagerði keyrði um á Lada sport jeppa á heimatúninu... og fór geist. Síðan brunaði hann inneftir Valadals afleggjaranum. En í einni beygjunni steypist bíllinn ofaní ánna en sjálfur nær Biggi að henda sér út úr honum en lendir í ánni og öslar í land hinumegin. Ladan hins vegar fer með straumnum og við Biggi á sitthvorum bakkanum, reinum að fiska hana upp úr ánni. Í einni straumkviðunni skemmist vinstra frambrettið en er þá Ladan orðin að wolsvagen bjöllu... Þegar við komum að nýju byggingunni við ánna, er það flott klósettaðstaða fyrir ferðamenn. Flísalagt í hólf og gólf og mjög fínt. NEMA að það eru allar handlaugar fullar af mannaskít... í allskonar formum (geðslegt). Ég man ekki eftir að það hafi verið neitt svo vond lykt þarna inni, bara mannar í handlaugunum. Eg fór sem sagt að pissa og síðan að þvo hendurnar. Kemur ekki þá hin huggulegasta kona inn og með henni ung dóttir hennar. Þær eru glaðar og málgefnar, segja mér frá því að þær séu í sumarhúsi. Það sé frekar kalt og það sé trekkur á fæturna í húsinu. Einhvern vegin fannst mér hún vera að tala um að trekkurinn væri þegar þær lægu í rúmminu. Velti fyrir mér af hverju þær breiddu ekki sængina yfir sig. Á meðan samtalinu stóð var ég að reina að þvo mér um hendurnar með sápu sem var eins og vax, bara storknaði á höndunum. Og svo rak ég mig alltaf í mannanna í vaskinum. Móðirin huggulega, sagði að líklega hefði fólk farið að gera þarfir sínar í handlaugarnar þegar vatni fór... en það væri skrítið að það væri ekki búið að þrífa. Hún sagði að þessi klósettaðstaða hefði alltaf verið sérlega vel þrifin öll árin sem hún hefði komið í sumarhúsið... af norsku stúlkunni sem væri í Valagerði. Svo fóru þær út og ég hélt áfram að reina að þvo mér með stífa vaxinu og rak hendurnar stöðugt í skrítinn skítinn.

Eldhús hugmynd

2010-04-06T15:36:00.001+03:00

Svona er hugmyndin að nýja eldhúsinu.

Eggjaleit

2010-04-06T09:34:00.003+03:00

Hversdagurinn byrjaður aftur eftir páskasúkkulaðið... púff, þvílíkt át. Lambarlærið á páskadag var frábært. En dagurinn byrjaði á hefð sem við höfum skapað okkur í þessari fjölskyldu, allt frá Söndru til Önnu... að fela páskaeggin og leitaleik, ini og úti. Til að hanna leikinn þarf ég að rífa mig upp áður en allir vakna, skrifa gátu-vísbendingar-ljóð eða hendingar. Allt á íslensku. Fela eggin og miðana. Allt áður en spenntir krakkar vakna, sem sagt um há nótt. Ég veit að ég gæti gert þetta löngu áður... að minnstakosti yrkja og skrifa, en þá hverfur páskahefðin í einhverja skipulagningu... Síðan þurfa krakkarnir að leita. Ég held alltaf að ég sé svo sniðugur og að þetta sé allt of erfitt hjá mér... en nei. Næsta ár skulu þau sko þurfa að hafa fyrir því að finna eggin... hehehehe...

Gleðilega páska

2010-04-04T15:55:00.003+03:00

Kæru vinir og fjölskylda,
gleðilega páska óskum við ykkur öllum með von um að þið fitnið um helgina.
Allt er fallegt sem vel er feitt
um annað veit ég ekki neitt.
Sá að það þykir frétt núna á Íslandi að fólk hagar fermingaveislum eftir efnahag... Gott að heyra!
Velti þó fyrir mér eftir hverju fólk hélt veislurnar áður?

Nornir frá Blåkulla

2010-04-03T11:07:00.008+03:00

Páskarnir að koma. Í dag klæða krakkarnir sig upp til að fara milli húsa sem nornir frá Blåkulla. Þau fá gott í könnuna. Þetta er svipuð menning og Öskudagurinn hjá okkur á Íslandi. Svona líta nornirnar í Finnlandi út.
Anna með frænku sinni Linn. Adam með vini sínum Daníel.

Viðburðarík helgi

2010-03-29T09:54:00.005+03:00

Helgin verið viðburðarík. Á föstudaginn var mikið páskaíþróttamót allra sænskumælandi skóla í austurbotni í stóru Botniahallen hér í Vasa. Þar vann Adam Thor og hans lið sinn árgang í boðhlaupi... GULL um hálsin á prinsinum. Anna prinsessa stækkar og stjórnar heimilinu með harðri hendi. Hún er rosalega dugleg að ríða Sikli. Stundum fer ég á honum til "eftis" þar sem Anna er eftir skólan og hún fær að ríða heim. Það er spennandi að vera sótt á hesti í skólan..! Já og Sandra Björg gekk á Fimmvörðuháls og sá hið stórkostlega sjónarspil sem þar laðar að ferðamenn. "Túrhestagosið" á kannski bara eftir að bjarga fjárhag þjóðarinnar? Og páskaeggin komin frá Sollu.
Nóttin var erfið fyrir Adam Thor, hann byrjaði að æla um eittleitið... er komin með ælupestina sem er að ganga hér í Vasa... og páskarnir framundan. Vorið er að byrja sína innreið í Finnland. Klukkan færðist fram um klukkutíma... kominn sumartími hjá okkur. Það þíðir að nú munar þremur klukkutímum á Finnlandi og Íslandi. Vorverkin byrjuð. Smíðaði þak á ruslageymsluna í gær... pálmasunnudag... daginn sem Jésú kallinn reið asna á pálmablöðum... byggði ég musteri yfir ruslið.

Góður gestur í Vasa

2010-03-26T10:03:00.003+02:00

Í gær var Guðlaug María, kona Ólafs Hauks á Græna landinu hér í Vasa. Hún er á fyrirlestraferðalagi í Finnlandi, þar sem hún kynnir aðferðir sínar við leiktúlkunar– og tjáningakennslu fyrir grunnskóla, sérstaklega hvað varðar hreifihamlaða og þroskahefta. Ef ég skildi hana rétt. Hún setti sig í samband við okkur og kom sem sagt á sýningu í gær, fimmtudagskvöld. Hún kom með frænda sínum og hans frú sem búa í Jakobstað um 100 km. fyrir norðan Vasa. Þau voru alveg í skýunum eftir sýninguna og Gulla sagði að hún mundi sjá til þess að Óli Haukur kæmi til Finnlands til að sjá þessa fallegu sýningu. Í dag fer svo leikhópurinn til Närpes. Þar verður síðasta sýning fyrir páska. Svo byrjar törnin strax eftir páskafrí fram í miðja maí. Þá líkur sýningum.

Áfram veginn...

2010-03-23T14:32:00.003+02:00

Í hjáverkum og hnjáverkum er ég að mála tréstigann upp á efri hæðina hjá okkur í Sundom... hvítann. Nú fer hið ferska orginal tré útlit og hvítur gljái kemur í staðinn. Djöfull er þetta mikið verk... vona að ég verði búinn að mála allar umferðirnar fyrir páska. Fáum tilboð í eldhúsinnréttingu á föstudaginn. Það er næsta verk.
Var beðin um að koma til Närpes sem er 80 km. sunnan við okkur. Þetta er sænskumælandi svæði með mjög sérstaka málísku. Þar er vinabæja hittingur í kvöld 23.3. Vinabær Närpes er Akranes. Ég fer þangað og held stutta tölu m að vera íslendingur í Finnlandi... eða flutninginn sem ég ætla að samtvinna í sögu víkinganna árið 1000. Létt 10 mín spjall.

Spennandi tilraun.

2010-03-22T10:34:00.004+02:00

Nú er alveg ljóst að Wasa teater mun ekki sýna sýninguna Græna landið sem ég leikstýrði, í haust. Þrátt fyrir mikla aðsókn er ákveðið að hætt að sýna 29. apríl í leikhúsinu. Síðan fer Græna landið líklega á tvær leiklistahátíðar í maí og júní. ÅST-hátíðina á Åbo 10. til 12. maí og síðan líklega á Hangö-festivalet 6.-13. júní. Eftir það mun leikhúsið ekki gera meira með sýninguna. Okkur sem stöndum að Græna landinu finnst það skrítin ákvörðun, sérstaklega í ljósi þess að eftirspurnin er mikil. Ég er því búinn að setja í gang nokkur tannhjól. Sem eru byrjuð að snúast. Fyrst er að fá sýninguna á leikhópsins ábyrgð og kosnað frá leikhúsinu. Þetta yrði samstarfsverkefni við leikhúsið, þar sem það á sýninguna. Hugmyndin er að við fáum hana með manni og mús endurgjaldslaust og skiluðum henni í leikhúsið aftur að ári... eða fyrr. Algerlega án fjárhagslegrar skuldbindingar leikhússins. Þetta ætti ekki að vera svo erfitt vegna þess að allir leikarar sýningarinnar eru lausráðnir við leikhúsið, þ.e. bara ráðnir í þessa sýningu, tæknimaðurinn líka. Það er sem sagt bara einn tæknimaður við sýninguna og svo þarf einn sviðsmann, sem yrði þá ég. Hönnun leikmyndar og lýsingar eru unnar með leikferðir í huga. Hugmyndin er að fara með sýninguna í leikferð um sænskumælandi Finnland og Svíþjóð í haust.
Hvort af þessu tilraunasamstarfi aðstandenda sýningarinnar og leikhússins verður, ræðst fyrir páska.

Sæljónið

2010-03-17T09:03:00.003+02:00

Nú er ég byrjaður á nýrri bók fyrir börn... eða ætti heldur að segja, byrjaður þar sem frá var horfið. Fyrir um 10 árum skrifaði ég þætti fyrir barnadeild sjónvarpsins sem aldrei voru framleiddir. Framleiðslustjórinn sem þá var hætti allt í einu við að gera þættina. Ég fékk aldrei útskýringu á hvers vegna. Nú er ég að dusta rikið af hugmyndinni og gera hana að bók fyrir börn. Vinnu heitið er "Adam og sæljónið". Ekki byrjaður að sína útgefanda handritið enda ekki búinn að skrifa nema tvo kafla. Sjáum hvað setur. Bókin fjallar um Adam , ungan strák sem sem flytur með mömmu sinni í þorp við lygnan fjörð. Þar kynnist hann gömlum trillusjómanni sem heitir Ægir og er kallaður "sæljónið". Bókin segir frá samskiptum þeirra. Annar að hefja lífið, hinn að enda það.